Uko Dusenge yiteje imbere abikesha kuba umwe mu bahagarariye Cogebanque

Yanditswe na Hakizimana Jean Paul
Kuya 16 Ukuboza 2019 saa 09:43
Yasuwe :
0 0

Dusenge Gaston w’imyaka 25, ni umwe mu bantu (agents) barenga 600 bahagarariye Cogebanque hirya no hino mu gihugu.

Amaze imyaka itatu akorana n’iyi banki, aho yatangije igishoro cy’ibihumbi 500 ariko ubu ubucuruzi bwe bugeze kuri miliyoni eshanu z’amafaranga y’u Rwanda ndetse ari no kwiyubakira inzu.

Uyu musore ukorera mu Karere ka Rwamagana mu Murenge wa Muhazi, yaganiriye na IGIHE mu rwego rwo gusangiza abandi uko guhagararira Cogebanque aho uri byagukura mu bukene ugakirigita ifaranga.

Dusenge avuga ko yatangiye gukorana na Cogebanque mu mwaka wa 2016 mu muri Mata ubwo yari amaze amezi make arangije amashuri yisumbuye. Yatangije igishoro cy’ibihumbi 500 nyuma yo kugirwa inama n’umubyeyi we ko yatangira gukorana n’iyo banki.

Ati “ Hafi y’iwacu hari kaminuza (UNILAK) kandi abanyeshuri baho bishyurira amafaranga y’ishuri muri Cogebanque, amacumbi n’ibindi nkenerwa byinshi bakeneye kuri banki usanga ariyo bifashisha. Ikindi n’abaturage batuye i Nsinda na hariya i Nyarusange abenshi bakoresha Cogebanque.”

Ibi ngo nibyo byamuteye imbaraga areba kure ahitamo gukorana na Cogebanque. Akomeza avuga ko agitangira atigeze agorwa no kubona abakiriya cyangwa se ibindi bibazo bitewe nuko abakozi b’iyi banki bakundaga kumusura kandi bakamwitaho cyane.

Inyungu yatangiye kuzibona

Dusenge akomeza avuga ko kuri ubu yinjiza nibura amafaranga ibihumbi 150 y’inyungu ku kwezi, ndetse ngo yaguze ikibanza ari kubakamo inzu aho yenda kuyisakara.

Ati “ Narungutse cyane pe kuko naguze ikibanza cya miliyoni eshatu ubu ndi kucyubaka inzu igeze hejuru y’amadirishya, ikindi nakuyemo papeterie kandi nyongeramo n’ibikoresho byinshi cyane byaburagamo mu gihe mbere habagamo amakaye gusa ariko ubu haruzuye.”

Dusenge akomeza ashishikariza abakiri bato gufungura amaso bagakorana na Cogebanque bayibera abayihagarariye aho baherereye ngo kuko biri mu byatuma ukirigita ifaranga ukiri muto.

Cogebanque Plc yemewe nka Banki y’Ubucuruzi na Banki Nkuru y’u Rwanda (BNR) mu 1999, itangira gukora ku wa 17 Nyakanga muri uwo mwaka.

Mu myaka 20 imaze ikorera mu Rwanda, itanga serivise zirimo kubitsa no kubikuza n’izindi serivize Mpuzamahanga. Yagabye amashami 27 mu gihugu hose aho ifite ibyuma bya ATM 33, ikagira aba-agents barenga 600 mu gihugu hose bayifasha mu gutanga serivisi zo kubitsa no kubikuza zirimo n’izifashisha ikoranabuhanga binyuze muri Internet Banking, Mobile Banking n’amakarita ya MasterCard.

Aya makarita usibye kuba atanga umutekano w’amafaranga, anaha abayakoresha ububasha bwo kubikuza ku byuma bya ATM miliyoni 36 biri hirya no hino ku Isi.

Dusenge Gaston mu myaka itatu amaze akorana na Cogebanque amaze kugura ikibanza yubakamo n'inzu nubwo itaruzura neza
Dusenge mu ifoto n'abakozi ba Cogebanque ubwo bitabiraga isiganwa ry'amagare ryo gushaka abanyempano bashya

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .