Umunyamabanga mukuru w’Umuryuango wa Afurika y’Iburasirazuba (EAC) Dr Richard Sezibera, arahamagarira abashoramari bo mu Budage kumenya byimazeyo amahirwe uyu muryango uha abashoramari.

Inkuru ya The NewTimes ivuga ko umunyamabanga wa EAC yakanguriye Abadage gushora iamari mu muryango ayoboye, mu kiganiro yagiranye n’Ihuriro ry’Abadage bashora imari mu bihugu bigize EAC.

Yabwiye iryo huriro ry’Abashoramari ko uyu muryango wa Afurika y’Iburasirazuba utanga amahirwe ku bashoramari mu ikoranabuhanga, iby’Imari, Ubwishingizi, Ubukerarugendo, gutunganya umusaruro ukomoka ku buhinzi, Ubucukuzi bw’Amabuye y’Agaciro, Ibikorwa Remezo no gushora imari mu bijyanye n’ingufu zitangiza ikirere.

Sezibera yatangarije iryo huriro ko Raporo ya Banki y’Isi igaragaza ko EAC iri mu duce tumerewe neza mu bukungu muri Afurika. Yanabamenyesheje ko iyo raporo ishyirwa ahagaragara na Hans-Jurgen Beerfeltz, umunyamabanga ushinzwe iby’ubukungu n’iterambare (BMZ) nawe wari uhari.

Ambasaderi wa Kenya mu Budage, na Ambasaderi wa EAC mu Budage Ken Nyauncho, bemeje ko Abanyafurika y’Iburasirazuba baba mu Budage, bazakora ibishoboka byose mu kuyimenyekanisha.

Abari bahagarariye ubucuruzi muri Afurika y’Iburasirazuba harimo Andrew Luzze, Umuyobozi Mukuru w’Ibijyanye n’Ubucuruzi muri EAC, Dorothy Tuma ukuriye abagore mu bucuruzi muri EAC, bakaba baraganiriye n’abadage bari bayobowe na Beerfeltz, Dr. Hans-Joachim Preub ndetse n’abanyamuryango b’Ihuriro ry’Abadage bakora ubucuruzi muri Afurika.