RwandAir yatangaje ko indege nshya ya Airbus 330-300 yakiriwe mu Rwanda mu Ukuboza 2016 ari yo izifashihwa muri icyo cyerekezo gishya, kizaba ari icya mbere ku mugabane w’i Burayi.

Umuyobozi wa RwandAir, John Mirenge, yatangaje ko bishimiye icyerekezo gishya gihuza London n’ahandi, abakiriya bagatwarwa bamerewe neza mu ndege, banahabwa serivise nziza.

Urugendo rwa RwandAir mu Bwongereza ruzaza ari ahantu ha 22 yerekeza ku migabane itandukanye y’isi.

Uretse kwerekeza mu Bwongereza, RwandAir yatanagje ko mu ntangiriro za Mata 2017 izatangiza ingendo zayo i Mumbai mu Buhinde n’i Harare muri Zimbabwe.

RwandAir izerekeza i Harare bwa mbere kuwa 1 Mata 2017 naho i Mombai ijyeyo kuwa 3 Mata 2017.

Ingendo zerekeza i Harare zizaba zigendana n’izisanzwe zikorerwa i Lusaka muri Zambia, zikorwe buri munsi. I Mombai ho izajya igerayo idahagaze inshuro enye mu cyumweru.

Mu byicaro bimwe by'indege Airbus 330-300