Minisitiri w’Imari n’Igenamigambi, Amb. Claver Gatete, na Ambasaderi w’u Bubiligi mu Rwanda, Marc Pecsteen, basinye amasezerano yo kwakira inkunga ya Miliyari zisaga 17 z’amafaranga y’amafaranga y’u Rwanda yagenewe gufasha ubuvuzi bw’ibanze mu gihugu.

Nk’uko byemejwe n’abari bahagarariye Minisiteri y’Ubuzima, aya mafaranga ni ayari asigaye ku nkunga ya miliyaari zisaga 53 z’amafaranga y’u Rwanda u Bubiligi bwemereye u Rwanda mu kuzamura urwego rw’ubuzima.

Ahimira iki gihugu ku kutica umugambi, Minisitiri Amb. Claver Gatete, yasobanuye ko u bubiligi bwerekanye uruhare rukomeye mu kukoza gahunda ya gatatu mu kuzamura urwego rw’ubuzima (HSSP III) kuva mu 2013 kugeza 2018.

Yagize ati “Guverinoma y’u Rwanda ikomeje kugaragaza ubushake bwo kunoza serivisi z’ubuzima ku Banyarwanda binyuza mu gushyiraho ingamba z’ubwirinzi, izigezweho n’izivuguruye zose zigamije guharanira imibereho myiza.”

U Bubiligi bwahereye mu 2008 rutanga inkunga mu rwego rw’ubuzima, Minisitiri Amb. Gatete akaba yashimangiye ko atari rwo rwonyine batera inkunga kuko bafasha mu Butabera n’izindi.

Mu muhango wo gusinya amasezerano

Yavuze ko amafaranga yashyizwe mu rwego rw’ubuzima abarirwa muri miliyari zisaga 152 z’Amanyarwanda zashyizwe muri gahunda zitandukanye za Leta.

Marc Pecsteen, yasobanuye ko bafite icyizere cy’uko inkunga batanga zigira akamaro.

Yagize ati “Izamuka ry’icyizere cyo kubaho, igabanyuka rigaragara ry’abagore bapfa babyara ni bimwe mu bigaragaza intambwe u Rwanda rumaze gutera mu rwego rw’ubuzima. Gahunda z’u Rwanda.”

Dr. Ngamije Daniel ukuriye ishami rikurikirana imishinga ifasha ibikorwa muri Minisiteri y’Ubuzima, yasobanuye ko aya mafaranga agiye gushyirwa cyane mu kwagura amavuriro, imishinga n’ibikoresho byorohereza abayeyi babyarira kwa muganga kuringaniza imbyaro n’izindi gahunda z’ubuzima.

[email protected]