Icyegeranyo cy’ihuriro mpuzamahanga ku bukungu (WEF: World Economic Forum) cyashyize u Rwanda ku mwanya wa gatatu (3) muri Afurika ndetse no kuwa 66 ku Isi, mu kwihutisha iterambere.

Nk’uko bigaragara, muri iki cyegeranyo u Rwanda rwageze kuri ibi byose rubikesha imikorere myiza mu nzego zitandukanye z’ubuyobozi , kurwanya ruswa mu nzego zose, umutekano urambye mu gihugu , kubungabunga ibidukikije, korohereza abakora ubucuruzi mu Rwanda ndetse no guhanga udushya.

Muri iki cyegeranyo kigaragaza ko imiryango myinshi, abagera kuri Miliyoni, bavuye mu bukene mu myaka itanu ishize.

Muri Afurika u Rwanda ruza inyuma ya Mauritius ndetse na Afurika y’Epfo.

Muri rusange ubukungu bw’ibihugu byo muri Afurika yo munsi y’Ubutayu bwa Sahara bwazamutse ku kigero cya 5%.

Icyegeranyo cy’Uburumbuke 2013 - 2014 cyasohowe n’ihuriro mpuzamahanga gishyizwe ahagaragara mu gihe ubukungu bw’Isi bwahuye n’imbogamizi zitandukanye, ariko ubukungu bw’uyu mwaka bukaba bwarazamutse ugereranije n’indi myaka yashize.

[email protected]