Nk’uko tubikesha Rwanda News Agency, iyi nama ifite insanganyamatsiko igira iti “East Africa Region-Proven Destination for Investment in Petroleum Resources for Regional Energy Efficiency and Lasting Socio-Economic Development. (Akarere ka Afurika y’Uburasirazuba–Agace kazima mu gushorwamo ubucuruzi bw’ibikomoka kuri Peteroli mu kuzamura ingufu z’akarere n’iterambere rirambye ry’abaturage.”

Imurikagurisha rizakorwa rizibanda ku gusobanurira rubanda ibijyanye n’amasezerano y’ikoreshwa ry’ifaranga rimwe mu karere n’izindi ngamba zashyiriweho gukomeza ubufatanye bw’ibihugu bigize EAC.

Abayobozi bateganyijwe kuzitabira iyi nama ni Minisitiri w’ibikorwa bya EAC mu Rwanda, Valentine Rugwabiza; Umunyabaga wawo Dr Richard Sezibera, Minisitiri ushinzwe umutungo kamere muri ibi bihugu, ndetse n’abayobozi bungirije mu ishami rishinzwe ibya peteroli n’ibiyikomokaho muri kano karere.

Nk’uko Umunyamabanga mukuru Wungirije muri EAC, Jesca Eriyo, inama zose zabanjirije iyi ya karindwi zabashije gutanga isura nyayo ku iterambere ry’imikoresherezwe ya Peteroli, abaturiye aka karere bakaba bamaze gusobanukirwa ku buyo Isi bakongera ubucuruzi bw’ibikomoka kuri peteroli.

Iyi nama kandi izareba ku wundi mutongokamere uri mu karere ndetse no ku hantu nyaburanga henshi hatandukanye hagize akarere; iyi nama igiye kuba mu gihe n’ubundi hari hateganyijwe igikorwa cy’ivugurura ry’imitunganyirize y’umutungo kamere.