00:00:00 IGIHE NETWORK KN KINYARWANDA EN ENGLISH FR FRANCAIS

Tigo yashyikirije impamyabumenyi 57 bari mu mahugurwa yo kwakira ababagana

Yanditswe na

Vénuste Kamanzi

Kuya 16 November 2012 saa 04:23
Yasuwe :

Abacuruza ibicuruzwa bya Tigo 57 bashyikirijwe impamyabumenyi mu byerekeye ubucuruzi, kwakira neza ababagana, n’ibindi bari bamaze ukwezi biga ku wa Gatanu tariki 16 Ugushyingo 2012 ku cyicaro cya Tigo ku Muhima.
Diego camberos, umwe mu bayobozi ba Tigo Rwanda, yasabye abahawe impamyabumenyi kuzakoresha ubumenyi bahawe mu guteza imbere umwuga wabo, ashimangira ko usibye kuba abakorera Tigo, ubumenyi bahawe bushobora no kuzabafasha no mu yindi mirimo.
Minisitiri w’urubyiruko (...)

Abacuruza ibicuruzwa bya Tigo 57 bashyikirijwe impamyabumenyi mu byerekeye ubucuruzi, kwakira neza ababagana, n’ibindi bari bamaze ukwezi biga ku wa Gatanu tariki 16 Ugushyingo 2012 ku cyicaro cya Tigo ku Muhima.

Diego camberos, umwe mu bayobozi ba Tigo Rwanda, yasabye abahawe impamyabumenyi kuzakoresha ubumenyi bahawe mu guteza imbere umwuga wabo, ashimangira ko usibye kuba abakorera Tigo, ubumenyi bahawe bushobora no kuzabafasha no mu yindi mirimo.

Minisitiri w’urubyiruko n’ikoranabuhanga, Jean Philbert Nsengimana wari umushyitsi mukuru, yasabasaba abarangije kuzabyaza umusaruro ibyo bize.

Ati “iyi ni nka Kaminuza murangije, gusa mwe mufite amahirwe kuko musanzwe mufite akazi mu gihe abandi barangiza bahangayikijwe n’uko bazakabona, abatararangije amashuri ntimuzongere kugira ikibazo ngo ntimwarangije, igikuru ni ubumenyi mukuye aha bugiye kubafasha gukorera amafaranga ntimuzabupfushe ubusa.”

Minisitiri w’urubyiruko n’ikoranabuhanga, Jean Philbert Nsengimana

Akomeza asaba abahawe impamyabumenyi kwigirira icyizere cy’ejo hazaza no gukoresha ubumenyi bahawe mu kunoza akazi kabo ka buri munsi, ariko kandi bakorera ku ntego n’icyerekezo, bashingiye ku ntambwe ya mbere bateye.

Francois Habimana, umwe mu bahawe impamyabumenyi aganira na IGIHE, yashimangiye ko amahugurwa bahawe agiye gutuma barushaho kunoza uburyo bwo kwakira ababagana, bakabasangana indanga gaciro z’abacuruzi ba Tigo z’ubunyangamugayo, gukorera mu mucyo n’ibindi.

Ati “ubu bumenyi twahawe tuzabusangizaho na bagenzi bacu batabashije kubona amahugurwa, kuko n’ubusanzwe dukorera mu bumwe no gufashanya muri byose.”

Muri rusange abahawe impamyabumenyi bagaragaje ibyishimo bafite mu muvugo n’ubuhamya butandukanye bwatanzwe n’abahawe impamyabumenyi barata ibyiza Tigo yabagejejeho.

Hakizimana Jean de Dieu, yatangaje ko yatangiriye ku mafaranga ibihumbi bibiri nayo aza guhomba, ariko mugenzi we aza kumuguriza akomeza ubucuruzi, kugeza ubu akaba akoresha igishoro cy’amafaranga asaga ibihumbi 900, n’ibindi byinshi amaze kugeraho abikesha gukorana na Tigo.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .