00:00:00 IGIHE NETWORK KN KINYARWANDA EN ENGLISH FR FRANCAIS

Umuryango ASHOKA urafasha urubyiruko kurahura ubwenge bwo kuba ba rwiyemezamirimo

Yanditswe na

Emmanuel Kanamugire

Kuya 16 November 2012 saa 09:41
Yasuwe :

Ku bufatanye n’umuryango ASHOKA, itsinda ry’urubyiruko rw’abarangije za Kaminuza n’abakiri ku ntebe y’ishuri basuye kuri uyu wa 15 Ugushyingo, ibikorwa bya Dr Hitimana Nicolas, umwe mu bantu b’intangarugero mu kwihangira umurimo.
Umuryango ASHOKA, ni umuryango w’Abanyamerika ukorana n’abaturage mu kubashishikariza kuba ba rwiyemezamirimo.
Ibikorwa bya rwiyemezamirimo wasuwe, Dr Hitimana Nicolas, biherereye mu murenge wa Rusororo mu Karere ka Gasabo, birimo ubuhinzi bwa “geranium”, “patchouli” (...)

Ku bufatanye n’umuryango ASHOKA, itsinda ry’urubyiruko rw’abarangije za Kaminuza n’abakiri ku ntebe y’ishuri basuye kuri uyu wa 15 Ugushyingo, ibikorwa bya Dr Hitimana Nicolas, umwe mu bantu b’intangarugero mu kwihangira umurimo.

Umuryango ASHOKA, ni umuryango w’Abanyamerika ukorana n’abaturage mu kubashishikariza kuba ba rwiyemezamirimo.

Ibikorwa bya rwiyemezamirimo wasuwe, Dr Hitimana Nicolas, biherereye mu murenge wa Rusororo mu Karere ka Gasabo, birimo ubuhinzi bwa “geranium”, “patchouli” na “lemongrass” bibyazwamo amavuta nyuma yo kubituganyiriza mu ruganda rwe ruciriritse. Ayo mavuta afite isoko muri Afurika y’Epfo.

Nk’uko Carolien Vis uhagarariye ASHOKA mu Rwanda yabitangaje impamvu y’urugendoshuri rw’uyu munsi kwari ugufasha urubyiruko kureba imiterere ya bimwe mu bikorwa by’uwabashije kwihangira umurimo n’impinduka byazaniye abatuye hafi y’aho biherereye, ngo bibabere urugero rwo kubona aho batangirira.

Hagenimana Justin, umunyeshuri mu Ishuri Rikuru ry’Ubumenyi n’Ikoranabuhanga KIST, avuga ko kwihangira imirimo bakangurirwa, buri wese agomba guhera ku bitekerezo byiza.

Ati “nubwo abantu benshi bakunze kugira inzitizi yo kubura amafaranga y’igishoro mu gihe cyo gutangiza ibikorwa bibyara inyungu, njye mbona ibitekerezo bizima ari byo by’ingenzi, hanyuma ukamenya kwandika umushinga wawe mu buryo bunononsoye, amafaranga akagenda aboneka nyuma.”

Yongeyeho ko urubyiruko rwarushaho guhabwa amahirwe yo gukorera ingendo shuri nk’izi mu bihugu birimo ibikorwa biteye imbere kurutaho.

ASHOKA ikorana n’abaturage ibashishikariza kuba ba rwiyemezamirimo no kuzana impinduka zicyemura ibibazo by’aho batuye n’aho bakorera, ubu ukorana na ba rwiyemezamirimo barenga 3000 bakorera mu bihugu 70.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .