Nk’uko twabitangarijwe n’uwungirije Perezida w’ishyirahamwe Nyarwanda mu gace ka Washington DC, Maryland Virginie (RCA-DMV) muri Amerika, Umutoni Alice, Abanyarwanda bo muri ako gace ko muri USA bazafungura ku mugaragaro ikigega « Agaciro » kuri uyu wagatandatu tariki ya 8 Ugushyingo.

Uyu muhango uzaba urimo n’Abahagarariye u Rwanda muri USA, bayobowe na Ambasaderi James Kimonyo uzabagezaho ijambo ry’uwo munsi, hazaba kandi hari n’amatorero azabyina kinyarwanda n’indi myiyereko mu busabane.

Uyu munsi wo gutangiza ikigega Agaciro ku mugaragaro muri USA uzabera ahitwa “2001 East Randolph Road Silver Spring, MD 20904”.