Ikigo Canalsat gitanga ubufatabuguzi bwa televiziyo ku wa gatanu ku ya 24 Ukwakira kizamurika sheni ya televiziyo nshya yitwa A+ izajya igaragara mu bihugu 20 bya Afurika birimo n’u Rwanda.

Iyi sheni izajya irebwa n’ na buri mufatabuguzi waguze umuzingo (Bouquet) iyo ari yo yose ya Canalsat izajya icaho gahunda zitandukanye zishimishije kandi zitandukanye.

A+ izanyuraho imyidagaduro igaragaza impano zitandukanye haba mu muziki (Talent Island Africa) cyangwa mu mitekere (Star Chef)

Izacaho firime z’uruhererekane ( Series) z’Igifaransa, Icyongereza, Igiportugal n’Ikiwolof, filime mpuzamahanga zakorewe muri Leta Zunze Ubumwe za Amerika no muri Afurika by’umwihariko izo muri Nigeria.

A+ ifite icyicaro mu mujyi wa Paris ahitwa I Boulogne-Billancourt ikagira ishami muri Cote d’Ivoire.

Mu Rwanda Canalsat ni yo igurisha dekoderi na “Antenne Parabolique “ ku buryo buhendutse, uyiguze ahabwa n’umukozi urayimumanikira.