Izi nzobere zagaragaje ko gutsindwa amasoko mu gihugu bidaterwa no kubura ubushobozi, ahubwo bituruka ku kubura ubumenyi bukenewe mu guhatanira amasoko.

Inararibonye mu guhatanira no kuyatanga amasoko mu gihugu, zatangije iyi gahunda izajya ikorwa buri gihe biciye mu ifunguro rya mugitondo(busness breakfast) rihora ho kuva kuwa Mbere kugeza ku wa Gatanu mu nyubako ya Kigali City Tower(KCT).

Inzbere zifite ubushake bwo gufasha abapiganira amasoko

Izi nzobere zagaragaje ko ziteguye kwigisha abazazigana ndetse bakanerekwa amosoko ari gupiganirwa n’uburyo babyitwaramo bakongera amahirwe yo kuyegukana.

Umuyobozi w’ikigo cy’uucuruzi Eastafmedia.com, Christian Bizimana, yashimangiye ko iyi gahunda izafasha Abanyarwanda, by’umwihariko ba rwiyemezamirimo bakizamuka, bagasobanukirwa n’umurimo wabo no kwigirira ikizere bakabasha
gupiganwa ku masoko.