Abakiriya ba Qatar Airways bagabanyirijwe 25% ku biciro by’amatike y’indege yo kugaruka i Kigali bavuye mu duce dutandukanye two ku migabane ya Amerika, Afurika, Uburayi, Aziya y’Iburengerazuba ndetse n’Uburasirazuba bwo hagati.

Iri gabanwa ry’ibiciro rireba abakiriya bagenda muri byiciro (classes) byose bya Qatar Airways mu gihe bazaba basubira i Kigali. Abagura amatike yo kujya mu biruhuko (holiday package) nabo bakazazirikanwa muri iyi poromosiyo mpuzamahanga yiswe Global Promotion Week.

Quatar Airways yakirana urugwiro abayigendamo

Iyo poromosiyo yatangiye kuri uyu wa Mbere tariki ya 3 Ugushyingo, isozwe kuya 10 Ugushyingo 2014.

Muri iki cyumweru cy’igabanwa ry’ibiciro, abakiriya bashobora kubitsa (booking) amatike y’ingendo zizakorwa mu mezi atandatu ari imbere ni ukuvuga kuva ku ku wa 6 Ukwakira 2014 kugeza kuya 15 Kamena 2015.

Umuyobozi Mukuru wa Qatar Airways Group ku Isi , Akbar Al Baker yasobanuye ko iki cyumewru ari icyo gushimira abakiriye ku kuba ari badahemukira Quatar Airways bagahora bahitamo kuyigendamo.

Yagize ati: “ Muri iyi poromosiyo turashimira abakiriya kubera ubudahemuka wabo. Iyi gahunda nziza izaha abagenzi bacu bajya mu bikorwa bitandukanye nk’ibiruhuko cyangwa akazi, amahirwe yo gusura ahantu harenga 140 ku Isi.”

Abagenzi ba Qatar airways bazagira n’amahirwe yo gusura ikibuga cy’indege gifite umwihariko wo guha abagenzi ahantu heza ho kwicara baruhuka (transit) mu gihe bategereje gufata rutema ikirere mpuzamahanga cya Hamad i Doha.

Qatar airways yatangiye ingendo zayo mu myaka 17 ishize, ifite indege 139 zerekeza ahantu 145 hakorerwa ubucuruzi n’imyidagaduro ku migabane ya Afurika, Amerika, Uburayi, Asia Pacific ndetse n’Uburasirazuba bwo hagati.