SKOL Brewery Limited Rwanda ni uruganda rwubatswe mu 2009 rufite intego yo kwenga Hegitolitiro ibihumbi 200 ku mwaka.

Mu 2010 rwengaga hegitolitiro ibihumbi 31 ku mwaka, kuva icyo gihe rwagiye ruzamuka ku kigero cya 37% ku mwaka.

Muri Mutarama 2019 rwafunguye umuyoboro mushya ufungirwamo ibinyobwa, ufite agaciro ka miliyoni $10, rutangaza ko rugiye gukuba kabiri umusaruro warwo.

Kuri uyu wa 19 Ukuboza 2019 rwatangaje ko ibyo bikorwa remezo n’imbaraga z’abakozi byatumye ubu rugeze ku rwego rwo kwenga ibinyobwa bifite ingano ya hegitolitiro ibihumbi 500 ku mwaka.

Nyuma yo gushyira umupfundikizo ku icupa ryujuje iyo ngano, Umuyobozi wa SKOL Brewery Limited Rwanda, Ivan Wulffaert, yatunguye abakozi be abakoranyiriza hamwe muri urwo ruganda arabashimira.

Yavuze ko kuba babigezeho ari uruhare rw’abakozi, abakiriya n’abafatanyabikorwa kandi ko abizeyeho ubufatanye mu kurushaho gutera imbere.

Ati “Ndahamya ntashidikanya ko dushingiye ku bufatanye bw’abakozi bacu, abafatanyabikorwa, abageza ibicuruzwa byacu ahantu hatandukanye n’abakiliya bacu tuzakomeza kujya mbere.”

Yavuze ko ibanga bakoresheje ari ugukora ibinyobwa biri mu byifuzo by’abakiliya.

Ati “Icya mbere cyatumye tubigeraho, ni ugukora ibinyobya byiza cyane, ntabwo twongeramo isukari mu nzoga zacu, ni umwimerere ijana ku ijana. Ibanga ni ukuba dufite inzoga nziza za mbere. Icya kabiri ni uko bikorerwa mu Rwanda bigakorwa n’abanyarwanda.”

Yavuze ko mu b’ibanze uruganda rushimira ari Guverinoma y’u Rwanda yorohereza ishoramari, n’abakozi b’abanyarwanda bakorana ubwitange.

Uruganda rwa Skol rwubatswe mu 2009 rutangira imirimo yarwo mu Rwanda mu 2010. Rwenga ibinyobwa ibisembuye birimo; Skol Lager, Skol Malt, Skol 5, Virunga Mist, Virunga Gold, Skol Canett na Skol Select na Skol Panache idasembuye.

Hakozwe amacupa y'ikirango cyo kugera kuri Hl 500,000 yahawe abakozi nk'urwibutso

Hegitolitiro 500,000 zikubiyemo ubwoko butandukanye bw'ibinyobwa bya Skol mu Rwanda

Ibyishimo ku bakozi n'abayobozi bishimira ubufatanye butuma besa imihigo itandukanye

Icupa ryari ryatunganyirijwe kwizihiza intambwe Skol yateye

Kugera kuri Hegitolitiro 500,000 bifatwa nkuko abantu bizihiza Yubile, mu bijyanye n'inganda zenga ibinyobwa iyo bateye iyi ntambwe barayishimira

Mbere yo kumenya amakuru bahawe ikaze baba bafata ku binyobwa benga ariko ikirango cya 500,000 Hl ku mwaka cyari gihishe (inyuma)

Skol yateye intambwe yo kuba yenga HL 500,00 ku mwaka

Tariki ya 19 Ukuboza 2019 wabaye umunsi w'amateka muri Skol

Umuyobozi wa SKOL Brewery Limited Rwanda, Ivan Wulffaert n'abakozi bafatanya kumanyura umutsima

Umuyobozi wa SKOL Brewery Limited Rwanda, Ivan Wulffaert yashimiye abakozi ku mbaraga n'umurava bagira mu iterambere ry'uruganda

Umuyobozi wa SKOL Brewery Limited Rwanda, Ivan Wulffaert yashimye abakozi, abakiriya n'abafatanyabikorwa bagize uruhare mu ntambwe uruganda rwateye

Umuyobozi wa SKOL Brewery Limited Rwanda, Ivan Wulffaert yakoranyije abakozi nyuma y'akazi abatungura abagezaho inkuru yuko bageze ku kigero cyo kwenga 500,000 ku mwaka

Abakozi mu nzego zose mu ruganda rwa Skol bashimiwe umusanzu buri wese yatanze mu kazi akora

Abayobozi n'abakozi basangiye icyo kunywa bishimira intambwe bateye

Aha abakozi bari bategerezanyije amatsiko kumva icyo umuyobozi abahamagarije

Akanyamuneza ku bakozi bagize uruhare mu byo Skol igezeho

Akanyamuneza ku bakozi bagize uruhare mu byo Skol igezeho

Amafoto: Munyarugerero Gift