Coronavirus yasize isomo! Inyungu zihariye ziri mu kuzigamira ahazaza muri Cogebanque

Yanditswe na Ishimwe Israel
Kuya 31 Ukwakira 2020 saa 02:33
Yasuwe :
0 0

Buri wa 31 Ukwakira, u Rwanda rwifatanya n’Isi mu kwizihiza Umunsi Mpuzamahanga wahariwe Kuzigama. Mu gihugu wahuriranye n’isozwa ry’icyumweru cyo kuzigama cyatangiwemo ubutumwa bushishikariza abaturarwanda guteganyiriza ahazaza.

Uyu munsi wizihijwe mu nsanganyamatsiko igira iti “Izigamire uyu munsi Urinde ejo hawe.’’

Mu kubaka ubukungu burambye bushingiye ku kwigira k’umuturage, Leta isaba buri wese kurangwa n’umuco wo kuzigama ubushobozi buzamufasha kwiteza imbere cyangwa bukamugoboka mu bihe bidasanzwe.

Ni intego idashobora kugerwaho hatabayeho imikoranire ya Leta n’ibigo by’imari bifasha abaturage kuzigama amafaranga yabo kuko baba bizeye umutekano wayo.

Cogebanque nka Banki Nyarwanda y’Ubucuruzi iri mu zitanga umusanzu ntayegayezwa muri urwo rugendo.

Umuyobozi ushinzwe Iyamamazabikorwa muri Cogebanque, Iyamuremye Antoine, yabwiye IGIHE ko bashishikariza abaturarwanda ibyiza byo kuzigama n’uburyo babigeraho.

Yagize ati “Abantu benshi mu gihe hafatwaga ingamba za Guma mu Rugo uwizigamiye hari icyo byamufashije kurusha utarazigamye. Mu gihe turi mu mpera z’ukwezi ni ukongera kubakangurira gukomeza rwa rugendo rwo kuzigama bitewe na gahunda buri wese afite.’’

Cogebanque ifasha abayigana kuzigamira amashuri, gushyira mu bikorwa imishinga itandukanye yo kwiteza imbere, gutembera, kugura imodoka cyangwa ibindi bikoresho, kwiyubakira inzu n’ibindi.

Umwihariko wa Cogebanque ni uko nta mafaranga y’umufuragiro acibwa abafite konti zo kwizigamira buri kwezi ndetse inatanga ubujyanama.

Iyamuremye ati “Uko ugumishaho amafaranga nibwo wungukirwa neza ndetse dutanga n’ubujyanama bitewe n’intego y’umukiliya.’’

Ubwo Leta y’u Rwanda yashyiragaho ingamba zo Kuguma mu rugo mu kwirinda ikwirakwira rya Coronavirus, ubukungu bwa benshi bwarahungabanye ndetse abatari bazirigamiye batangira kubunza imitima.

Ati “Umuntu wari warizigamiye nta mbogamizi yagize ku muryango we, uwazigamye uretse ya nyungu tumuha, ashobora no gukurikirana amafaranga ari kuri konti ye cyangwa kuyageraho akoresheje ikoranabuhanga. Ubu abantu bongeye gusubira muri wa murongo wo kuzigama, turabakangurira kongera guhaguruka kuko benshi basubiye mu mirimo kandi kwizigamira nibyo bibafasha kugera ku ntego bihaye.’’

Muri iki cyumweru cyahariwe kuzigama cyatangiye ku wa 26 Ukwakira 2020, Cogebanque yegereye abakiliya bayo mu buryo butandukanye ibashishikariza kwiyubakamo umuco wo kuzigama.
Iyamuremye yavuze ko abantu bahinduye imyumvire ku buryo abizigamira biyongera ndetse ko imiryango igifunguye muri Cogebanque.

Ati “Icyorezo cya COVID-19 cyatumye n’ugifite imyumvire yo kutiteganyiriza agomba kuyihindura. Kuzigama nicyo kintu cya mbere gikwiye guherwaho mbere y’ibindi. Iyo ukorana na banki ishobora kugufasha kujya ivana amafaranga kuri konti yawe ataragera mu mufuka. Kuzigama ni urugendo rw’ubufatanye kugira ngo buri wese agere ku ndoto nzozi.’’

-  Umwihariko wa Konti zo kuzigama muri Cogebanque

Serivisi zo kuzigama muri Cogebanque zashyizwe muri konti zirimo “Teganya”, “Nteganyiriza Minuze”, “Shobora” na “Iyubakire”.

Konti za Cogebanque zemerewe abakiliya bose, zihuriye ku kubafasha kuzigama amafaranga mu buryo bworoshye kandi butekanye, nta mufuragiro w’ukwezi zicibwa ndetse zirungukirwa.

Teganya ni konti ishamikiye ku y’umukiliya, ishobora kubitswaho amafaranga yose umuntu ashaka. Uyikoresha abitsaho igihe cyose kandi agakomeza kungukirwa bitewe n’amafaranga ayiriho. Amafaranga yazigamywe atangira kubyara inyungu ageze ku 50.001 Frw.

Mu gufasha abategura ahazaza h’abana n’abakuze mu masomo, Cogebanque yanashyizeho Konti Nteganyiriza Minuze ifasha abazigamira amashuri.

Abayikoresha buri kwezi bazigama amafaranga ndetse bashobora kongera umubare w’ubwizigame igihe babishakiye, bibaha amahirwe yo kubona inyungu ishimishije.

Konti Iyubakire na yo yashyizweho nk’igisubizo ku bakeneye kubaka no kugura inzu. Uyifunguye ashyiraho 35 000 Frw y’ifatizo aheraho yongera ubwizigame bwe. Buri kwezi asabwa kuzigama nibura 15 000 Frw.

Nyuma y’imyaka ine uwazigamye kuri “Konti Iyubakire’’ ahabwa amahirwe yo kugabanyirizwa ku nyungu icibwa ku nguzanyo yo gutunga inzu, guhabwa ubujyanama mu gihe agiye kugura inyubako n’ibindi.

Cogebanque inafite Konti yise Shobora ifasha abakiliya bayo gushyira mu bikorwa imishinga itandukanye nko kugura ibikoresho byo mu rugo, gutegura ibirori, kugura imodoka, gukora ingendo n’ibindi.

Uyifunguye ashyiraho 15 000 Frw nk’ifatizo buri kwezi akazigama nibura 10 000 Frw. Nyuma y’imyaka itatu umukiliya ashobora kugabanyirizwa ku nyungu icibwa ku nguzanyo yerekeye imishinga yose.

Iyi banki inafite konti y’Ubwizigame bw’igihe kirekire (Compte bloqué) kuva ku mezi atandatu bitewe n’ubushake bw’umuntu. Ushaka kwizigamira by’igihe kirekire yegera ishami rya Cogebanque riri hafi ye akagirwa inama hakanabo kumvikana bitewe n’amafaranga ashaka kuzigama n’igihe azamara kuri konti. Iyi konti ishobora kubitswaho amanyarwanda, amayero n’amadolari.

Cogebanque ifite amashami 28 mu gihugu hose aho ifite ibyuma bya ATM 36, aba-agents basaga 600 bayifasha mu gutanga serivisi zo kubitsa no kubikuza zirimo n’izifashisha ikoranabuhanga binyuze muri Internet Banking, Mobile Banking n’amakarita ya MasterCard.

Cogebanque imaze imyaka isaga 20 itanga serivisi z'imari zigamije guhindura imibereho y'abaturarwanda

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .