Iyo umukozi agwiriwe n’ibyago bikomoka ku kazi, Ikigo cy’ubwiteganyirize mu Rwanda (RSSB) kimufasha kuriha amafaranga yo kumuvana aho yagiriye impanuka kugera kwa muganga cyangwa kuriha amafaranga yo mu bitaro, n’ay’imiti.

Ikindi ni uko umukozi ababwa insimburamushahara igihe atahembwe mu burwayi bwe, kumuha insimburagingo k’uyikeneye, amafaranga y’ubumuga yagize igihe yatakaje umushahara cyangwa ukagabanuka.

Hatangwa kandi amafaranga yo gushyingura umurambo w’umukozi aramutse yitabye Imana.

Ikindi twavuga, ni uko amafaranga y’ubwiteganyirize udashobora kuyaraga uwo wishakiye. Amategeko ateganya abo agenewe igihe uwayafataga cyangwa uwagombaga kuyafata yitabye Imana.