Urukiko rw’Ibanze rwa Nyarugenge rwari rwategetse ko bakomeza gukurikiranwa bafunzwe ngo kuko hari impamvu zikomeye zituma bakekwaho ibyaha bakurikiranyweho.

Kuri Prof. Omar Munyaneza Ubushinjacyaha bumukurikiranyeho ibyaha byo gukoresha ububasha ahabwa mu nyungu ze bwite, gufata icyemezo gishingiye ku itonesha, icyenewabo, urwango ndetse no kwakira cyangwa gutanga bidakwiye amafaranga arenze ateganyijwe.

Umuhumuza we akurikiranyweho ibyaha bitatu birimo gukoresha ububasha ahabwa mu nyungu ze bwite no gufata icyemezo gishingiye ku cyenewabo no gukoresha nabi umutungo ufitiye rubanda akamaro.

Mu gihe Murekezi Dominique we akurikiranyweho icyaha cy’ubufatanyacyaha mu gukoresha ububasha ahabwa n’itegeko mu nyungu ze bwite.

Nyuma y’uko Urukiko rw’Ibanze rwa Nyarugenge rutegetse ko bafungwa iminsi 30 y’agateganyo bahise bajurira urubanza rwabo ruburanishwa ku wa kabiri tariki ya 16 Nzeri 2025.

Kuri uyu wa 17 Nzeri ni bwo Urukiko rwasomye icyemezo cyarwo rwemeza ko ubujurire bwa Prof. Omar Munyaneza, Umuhumuza Gisèle na Murekezi Dominique bufite ishingiro.

Rwemeje ko ibyemezo byari byafashwe n’Urukiko rw’Ibanze rwa Nyarugenge bibafunga by’agateganyo bihindutse rutegeka ko Prof Omar Munyaneza, Umuhumuza Gisèle na Murekezi Dominique bafungurwa by’agateganyo.

Inkuru bifitanye isano

https://mobile.igihe.com/ubutabera-2047/article/byagenze-bite-ngo-abayobozi-b-ibigo-bya-wasac-bisange-bafunzwe

Umuhumuza Gisèle wari Umunyamabanga Uhoraho muri Minisiteri y’Ibikorwaremezo akaba yaranayoboye WASAC Utility yafunguwe by'agateganyo

Murekezi Dominique wari Umuyobozi wa WASAC Development na we yafunguwe by'agateganyo

Prof. Munyaneza Omar wari Umuyobozi wa WASAC Group