Abanduye Coronavirus mu Rwanda biyongereyeho 3 baba 349, abayikize baguma kuri 245

Yanditswe na Ishimwe Israel
Kuya 28 Gicurasi 2020 saa 08:58
Yasuwe :
0 0

Abantu batatu basanganywe Coronavirus mu bipimo 1766 byafashwe kuri uyu wa Kane, umubare w’abayanduye mu Rwanda ugera kuri 349 mu gihe abakize bagumye kuri 245.

  • Abanduye ni 349 (Barimo batatu bashya)
  • Abakize ni 245 (nta mushya wakize)
  • Abakirwaye ni 104
  • Nta muntu uritaba Imana
  • Ibipimo bimaze gufatwa ni 64 268 (Ibipimo bishya 1766)

Muri iyi minsi abarwayi ba Coronavirus bari gutahurwa ni abiganjemo abashoferi b’amakamyo yambukiranya imipaka n’abo bakorana.

Itangazo rya Minisiteri y’Ubuzima ryo kuri uyu wa 28 Gicurasi 2020 rivuga ko "abarwayi bashya bose bahise bashyirwa mu kato bakihagera.’’

Umurwayi wa mbere wa COVID-19 iterwa n’agakoko ka Coronavirus yabonetse mu Rwanda ku wa 14 Werurwe 2020. Kuva icyo gihe abantu 349 bamaze kwandura mu gihe 245 basezerewe mu bitaro nyuma yo gukira. Abantu 104 ni bo bari kwitabwaho mu bitaro byagenewe gushyirwamo abasanganywe Coronavirus.

Ibimenyetso bya Coronavirus birimo inkorora, ibicurane, guhumeka bigoranye n’umuriro. Yandura binyuze mu matembabuzi aturuka mu myanya y’ubuhumekero.

Abaturarwanda basabwa gukomeza kubahiriza amabwiriza ya Leta hitabwa cyane cyane ku gukaraba intoki kenshi n’amazi n’isabune, kwambara udupfukamunwa n’amazuru mu gihe umuntu avuye mu rugo cyangwa ahuye n’abantu benshi.

Ibimenyetso bya Coronavirus birimo inkorora, ibicurane, guhumeka bigoranye n’umuriro. Yandura binyuze mu matembabuzi aturuka mu myanya y’ubuhumekero.

Coronavirus yagaragaye bwa mbere mu Mujyi wa Wuhan mu Bushinwa mu Ukuboza 2019; kuri ubu 5 858 573 bamaze kuyandura ku Isi yose, barimo 359 991 yahitanye na 2 540 838 bamaze kuyikira.

Abantu banduye Coronavirus mu Rwanda biyongereyeho batatu baba 349, abayikize baguma kuri 245

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .