Abantu 22 banduye Coronavirus mu Rwanda, abayikize ni 31

00:00:00 IGIHE NETWORK

KINYARWANDA

ENGLISH

FRANCAIS

Abantu 22 banduye Coronavirus mu Rwanda, abayikize ni 31

Yanditswe na Israel Ishimwe

Kuya 15 September 2020 saa 10:02

Yasuwe :

Yavuzweho:

Minisiteri y’Ubuzima yatangaje ko abantu 22 basanganywe Coronavirus mu bipimo 1935 byafashwe mu gihe abasezerewe biyongereyeho 31 bituma umubare w’abakize mu Rwanda uba 2767.

Itangazo rya Minisante ryo kuri uyu wa Kabiri, tariki ya 15 Nzeri 2020 rigaragaza ko abarwayi bashya biganjemo abakuwe mu Mujyi wa Kigali.

Rikomeza rigaragaza ko abantu 18 bapimwe mu bibasiwe kurusha abandi, i Rubavu hakuwe babiri mu gihe mu Turere twa Kirehe na Nyabihu, buri hose hakuwe umwe.

Tariki 14 Werurwe 2020 nibwo Minisiteri y’Ubuzima yemeje ko Umuhinde wageze mu gihugu ku wa 8 Werurwe 2020 avuye i Mumbai, yasanganywe icyorezo cya COVID-19 giterwa n’agakoko gashya ka Coronavirus.

Kuva COVID-19 igaragaye mu Rwanda, hamaze kuboneka abantu 4624 bayanduye mu bipimo 466 518 bimaze gufatwa. Muri bo 2767 barasezerewe nyuma yo gupimwa bagasangwa nta bwandu bwayo bukiri mu maraso yabo, 1835 bakirwaye mu gihe 22 bitabye Imana.

Kuri ubu 29 645 665 bamaze kwandura Coronavirus ku Isi yose, 936 596 yarabahitanye mu gihe 21 436 364 bamaze kuyikira.

15.09.20 Amakuru Mashya | Update

*Kigali:18 (bapimwe mu bibasiwe kurusha abandi/testing in high risk groups), Rubavu:2, Kirehe:1, Nyabihu:1 pic.twitter.com/yPJAGx537S

— Ministry of Health | Rwanda (@RwandaHealth) September 15, 2020