Abantu 28 banduye Coronavirus, abakize mu Rwanda biyongeraho 21 baba 1106

Yanditswe na Ishimwe Israel
Kuya 31 Nyakanga 2020 saa 10:56
Yasuwe :
0 0

Minisiteri y’Ubuzima yatangaje ko abantu 21 bakize Coronavirus basezererwa mu bitaro mu gihe mu bipimo 3374 byafashwe kuri uyu wa 31 Nyakanga 2020, abarwayi 28 bayisanganywe, byatumye umubare w’abanduye mu Rwanda ugera ku 2022.

  • Abanduye ni 2022 (Barimo 28 bashya)
  • Abakize ni 1106 (Barimo 21 bashya)
  • Abakirwaye ni 911
  • Abantu batanu bitabye Imana
  • Ibipimo bimaze gufatwa 263 399 (ibipimo 3374 bishya )

Itangazo rya Minisante ryo kuri uyu wa Gatanu ryerekana ko abarwayi bashya basanganywe Coronavirus barimo umunani b’i Nyamasheke bapimwe mu midugudu iri mu kato, i Rusizi hakuwe umunani, barindwi basanzwe muri Kigali mu bapimwe mu bibasiwe kurusha abandi, i Ngoma habonetse bane mu gihe Rulindo hasanzwe umwe.

Umubare w’abantu bakiri mu bitaro [911] ni wo muke ugereranyije n’abamaze gusezererwa [1106] barimo 21 basezerewe uyu munsi nyuma yo gupimwa bagasangwa nta bwandu bagifite mu mibiri yabo.

Kugeza ubu nta muti n’urukingo bya Coronavirus biraboneka, hakoreshwa uburyo bwo kuvura ibimenyetso by’iki cyorezo gusa, kugeza umubiri w’umuntu wubatse ubudahangarwa, virus igashira ityo mu maraso.

Ibimenyetso bya Coronavirus birimo inkorora, ibicurane, guhumeka bigoranye n’umuriro. Yandura binyuze mu matembabuzi aturuka mu myanya y’ubuhumekero.

Mu gukomeza kwirinda, abaturarwanda basabwa gukomeza kubahiriza amabwiriza ya Leta hitabwa cyane cyane ku gukaraba intoki kenshi n’amazi n’isabune, kwambara udupfukamunwa mu gihe umuntu avuye mu rugo cyangwa ahuye n’abantu benshi mu nsisiro cyangwa ahatuye imiryango myinshi.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .