Itangazo rya Minisante ryo kuri uyu wa Gatanu, tariki ya 21 Kanama 2020, rigaragaza ko abarwayi bashya biganjemo abakuwe mu Mujyi wa Kigali.

Rikomeza riti ‘‘Kigali: 46 (abahuye n’abanduye mu masoko ya Kigali), Rusizi:16 (bapimwe mu bibasiwe kurusha abandi, Rubavu:1.’’

Tariki 14 Werurwe 2020 nibwo Minisiteri y’Ubuzima yemeje ko Umuhinde wageze mu gihugu ku wa 8 Werurwe 2020 avuye i Mumbai, yasanganywe icyorezo cya COVID-19 giterwa n’agakoko gashya ka Coronavirus.

Kuva COVID-19 igaragaye mu Rwanda, hamaze kuboneka abantu 2780 bayanduye mu bipimo 357 083 bimaze gufatwa. Muri bo 1712 barasezerewe nyuma yo gupimwa bagasangwa nta bwandu bwayo bukiri mu maraso yabo mu gihe 1057 bakirwaye. Abantu 11 nibo bamaze guhitanwa n’iki cyorezo.

Coronavirus yagaragaye bwa mbere mu Mujyi wa Wuhan mu Bushinwa mu Ukuboza 2019; kuri ubu 23 033 790 bamaze kuyandura ku Isi yose, barimo 800 116 yahitanye mu gihe 15 641 067 bamaze kuyikira.

Ibimenyetso bya Coronavirus birimo inkorora, ibicurane, guhumeka bigoranye n’umuriro. Yandura binyuze mu matembabuzi aturuka mu myanya y’ubuhumekero.

Mu gukomeza kwirinda ikwirakwira rya Coronavirus, abaturarwanda basabwa gukomeza kwitwararika no kubahiriza amabwiriza ya Leta hitabwa cyane cyane ku gukaraba intoki kenshi n’amazi n’isabune no kwambara udupfukamunwa n’amazuru mu gihe umuntu avuye mu rugo cyangwa ahuye n’abantu benshi.

21.08.20 Amakuru Mashya | Update

*Kigali:46 (abahuye n’abanduye mu masoko ya Kigali/contacts of positive cases in Kigali markets), Rusizi:16 (bapimwe mu bibasiwe kurusha abandi/testing of high risk groups), Rubavu:1 pic.twitter.com/5gZOUuHUVb

— Ministry of Health | Rwanda (@RwandaHealth) August 21, 2020