Abantu 79 bakize Coronavirus mu Rwanda, abayanduye ni 36

Yanditswe na Ishimwe Israel
Kuya 18 Ugushyingo 2020 saa 09:54
Yasuwe :
0 0

Minisiteri y’Ubuzima yatangaje ko abantu 36 basanganywe Coronavirus mu bipimo 2392 byafashwe mu masaha 24 ashize mu gihe abasezerewe mu bitaro biyongereyeho 79 bituma umubare w’abakize mu Rwanda uba 5087.

Itangazo rya Minisante ryo kuri uyu wa Gatatu rigaragaza ko abarwayi bashya bakuwe mu ntara zitandukanye z’igihugu. Rikomeza riti “Kigali:7, Gisagara:9, Karongi:1, Nyamagabe:17, Rubavu:2.”

Tariki 14 Werurwe 2020 nibwo Minisiteri y’Ubuzima yemeje ko Umuhinde wageze mu gihugu ku wa 8 Werurwe 2020 avuye i Mumbai, yasanganywe icyorezo cya COVID-19 giterwa n’agakoko gashya ka Coronavirus.

Kuva COVID-19 igaragaye mu Rwanda, hamaze kuboneka abantu 5543 bayanduye mu bipimo 593 977 bimaze gufatwa. Muri bo 5087 barasezerewe nyuma yo gupimwa bagasangwa nta bwandu bwayo bukiri mu maraso yabo, 410 bararwaye mu gihe 46 bamaze guhitanwa n’iki cyorezo.

Coronavirus yagaragaye bwa mbere mu Mujyi wa Wuhan mu Bushinwa mu Ukuboza 2019; kuri ubu 56 403 173 bamaze kuyandura ku Isi yose, barimo 1 351 824 yahitanye mu gihe 39 249 838 bamaze kuyikira.

Ibimenyetso bya Coronavirus birimo inkorora, ibicurane, guhumeka bigoranye n’umuriro. Yandura binyuze mu matembabuzi aturuka mu myanya y’ubuhumekero.

Mu gukomeza kwirinda ikwirakwira rya Coronavirus, abaturarwanda basabwa gukomeza kwitwararika no kubahiriza amabwiriza ya Leta hitabwa cyane cyane ku gukaraba intoki kenshi n’amazi n’isabune no kwambara udupfukamunwa n’amazuru mu gihe umuntu avuye mu rugo cyangwa ahuye n’abantu benshi.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .