Itangazo rya Minisante ryo kuri uyu wa Kabiri rigaragaza ko abarwayi bashya biganjemo abakuwe mu Mujyi wa Kigali ahabonetse 51 mu bahuye n’abanduye mu bibasiwe kurusha abandi, i Rusizi hakuwe 13, i Rubavu ni batandatu, Karongi ni batanu mu gihe mu Karere ka Gisagara hagaragaye bane.

Ijanisha ku bapfa rihagaze kuri 0.39%, mu gihe iry’abandura ari 1.4%.

Tariki 14 Werurwe 2020 nibwo Minisiteri y’Ubuzima yemeje ko Umuhinde wageze mu gihugu ku wa 8 Werurwe 2020 avuye i Mumbai, yasanganywe icyorezo cya COVID-19 giterwa n’agakoko gashya ka Coronavirus.

Kuva COVID-19 igaragaye mu Rwanda, hamaze kuboneka abantu 4142 bayanduye mu bipimo 415 329 bimaze gufatwa. Muri bo 2044 barasezerewe nyuma yo gupimwa bagasangwa nta bwandu bwayo bukiri mu maraso yabo mu gihe 2082 bakirwaye mu gihe 16 bamaze guhitanwa n’iki cyorezo.

Ibimenyetso bya Coronavirus birimo inkorora, ibicurane, guhumeka bigoranye n’umuriro. Yandura binyuze mu matembabuzi aturuka mu myanya y’ubuhumekero.

Mu gukomeza kwirinda ikwirakwira rya Coronavirus, abaturarwanda basabwa gukomeza kwitwararika no kubahiriza amabwiriza ya Leta hitabwa cyane cyane ku gukaraba intoki kenshi n’amazi n’isabune no kwambara udupfukamunwa n’amazuru mu gihe umuntu avuye mu rugo cyangwa ahuye n’abantu benshi.

01.09.20 Amakuru Mashya | Update

*Kigali:51 (abahuye n’abanduye mu bibasiwe kurusha abandi/contacts of high risk groups), Rusizi:13, Rubavu:6, Karongi:5, Gisagara:4 pic.twitter.com/wNpkOCihg4

— Ministry of Health | Rwanda (@RwandaHealth) September 1, 2020