00:00:00 IGIHE NETWORK KN KINYARWANDA EN ENGLISH FR FRANCAIS

Abantu 84 banduye Coronavirus, abayikize biyongereyeho 64

Yanditswe na IGIHE
Kuya 26 Mata 2021 saa 11:22
Yasuwe :
0 0

Minisiteri y’Ubuzima yatangaje ko abantu 84 banduye Coronavirus mu Rwanda mu bipimo 5.324 byafashwe mu gihe abayikize mu masaha 24 yashize ari 64.

Abarwayi bashya babonetse kuri uyu wa Mbere, tariki ya 26 Mata 2021, biganjemo abo mu Karere ka Muhanga kakuwemo 13 mu gihe Umujyi wa Kigali wasanzwemo 10, Nyamagabe ni icyenda mu gihe Uturere twa Gicumbi, Ngororero na Nyaruguru, buri hose hasanzwe abarwayi umunani.

Kuva umurwayi wa mbere wa Coronavirus abonetse mu Rwanda hamaze kuboneka abarwayi 24.677 bakuwe mu bipimo 1.294.444. Muri bo abakize basezererwa mu bitaro ni 23.005.

Kugeza magingo aya, abarwayi 1342 ni bo bakiri kwitabwaho, muri bo batandatu bakaba barembye, aho bari kwitabwaho by’umwihariko.

Kuri uyu munsi nta murwayi witabye Imana byatumye umubare w’abamaze guhitanwa na Coronavirus uguma kuri 330. Abamaze guhabwa urukingo mu gihugu hose ni 349.702.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .