Abantu babiri bahitanywe na Covid-19, naho 169 bashya barayandura

Yanditswe na IGIHE
Kuya 10 Mutarama 2021 saa 11:09
Yasuwe :
0 0

Kuri iki Cyumweru, Minisiteri y’Ubuzima yatangaje ko abantu babiri bishwe na Coronavirus mu Rwanda, mu gihe abandi 169 bashya bayanduye.

Abapfuye barimo umugore w’imyaka 53 wo mu karere ka Rusizi n’umugabo w’imyaka 81 wo mu karere ka Bugesera. Abantu bamaze guhitanwa na Covid-19 mu Rwanda ni 120.

Abantu bashya banduye barimo 125 babonetse i Kigali, Musanze habonetse 15, Rubavu ni 11, Nyagatare ni 6, Huye ni 4, Rusizi ni 3, Rulindo ni 2, Nyanza ni 1, Nyamasheke ni 1 na Bugesera ni 1.

Abarwayi babonetse kuri iki cyumweru batumye umubare w’abamaze kwandura bose mu Rwanda uba 9630. Hakize abarwayi 18 bituma umubare w’abamaze gukira iyi ndwara bose baba 6974 naho abakirwaye ni 2536.

Abaturarwanda basabwa gukomeza kwitwararika no kubahiriza amabwiriza ya Leta hitabwa cyane cyane ku gukaraba intoki kenshi n’amazi n’isabune, kwirinda imihuro itari ngombwa no kwambara udupfukamunwa n’amazuru mu gihe umuntu avuye mu rugo cyangwa ahuye n’abantu benshi.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .