Itangazo rya Minisante ryo kuri uyu wa Gatatu ryavuze ko abahitanywe na COVID-19 barimo “abagore bane n’abagabo babiri.’’

Mu masaha 24 habonetse abanduye bashya 769 mu bipimo 14.337.

Kuri uyu munsi, abantu 20 bashyizwe mu bitaro mu gihe 24 aribo basezerewe nyuma yo gukira COVID-19. Kugeza uyu munsi, abagera kuri 45 ni bo bari kwitabwaho by’umwihariko kuko barembye.

Kuva ku wa 14 Werurwe 2020 ubwo umurwayi wa mbere wa COVID-19 yabonekaga mu Rwanda, hamaze gufatwa ibipimo 2.114.841; mu minsi irindwi ishize gusa abarwayi 5.708 ni bo bakuwe mu bipimo 68 087.

Kuva ku wa 5 Werurwe 2021 ubwo hatangiraga ibikorwa byo gukingira mu buryo bwa rusange, abaturage 520.367 bamaze gukingirwa mu gihe 44.227 bahawe dose ya mbere uyu munsi.

Abaturarwanda barasabwa gukomeza kubahiriza amabwiriza atangwa n’inzego z’ubuzima mu gukumira ikwirakwira ry’icyorezo, arimo kwambara agapfukamunwa neza, guhana intera, gukaraba intoki kenshi cyangwa gukoresha umuti wica udukoko igihe cyose wakoze aho abandi bakoze. Barasabwa kwirinda kwikorakora mu maso, ku izuru no ku munwa, ndetse bakishyurana bakoresheje ikoranabuhanga aho bishoboka hose.

04.08.2021 Amakuru mashya | Update | Mise à jour

Twihanganishije imiryango y'abagore 4 n'abagabo 2 bitabye Imana / Condolences to families of 4 women and 2 men who passed away / Condoléances aux familles de 4 femmes et 2 hommes qui sont décédés pic.twitter.com/25gDay6zjG

— Ministry of Health | Rwanda (@RwandaHealth) August 4, 2021