00:00:00 IGIHE NETWORK KN KINYARWANDA EN ENGLISH FR FRANCAIS

Abantu batandatu bakize COVID-19, abayanduye mu Rwanda ni 474

Yanditswe na IGIHE
Kuya 9 Nzeri 2021 saa 11:58
Yasuwe :
0 0

Minisiteri y’Ubuzima yatangaje ko abarwayi batandatu ba COVID-19 bayikize mu gihe umubare w’abanduye mu Rwanda wiyongereyeho 474 babonetse mu bipimo 12.128 byafashwe mu masaha 24 ashize.

Kuva umurwayi wa mbere w’icyorezo cya COVID-19 giterwa n’agakoko ka Coronavirus abonetse mu Rwanda ku wa 14 Werurwe 2020, hamaze gufatwa ibipimo 2.558.810.

Muri ibi bipimo, 85.622 byafashwe mu minsi irindwi byabonetsemo abarwayi 2.873.

Kuri uyu wa Kane, abarwayi batandatu ni bo basezerewe mu bitaro mu gihe abashya babyinjijwemo ari barindwi.

Itangazo rya Minisante ryerekana ko uyu munsi COVID-19 yahitanye abantu batandatu barimo abakobwa batatu n’abagabo batatu; batumye umubare w’abamaze guhitanwa n’iki cyorezo uba 1.153.

Mu Rwanda hamaze gukingirwa 1.668.325 bahawe dose ya mbere y’urukingo barimo 1.868 b’uyu munsi mu gihe abakingiwe byuzuye ari 924.233 barimo 4.036 bafashe dose ya kabiri.

Ibimenyetso bya Coronavirus birimo kugira umuriro, ibicurane, umunaniro n’inkorora ijyana no kubabara mu mihogo, guhumeka nabi bishobora no kugera aho itera umusonga no kubuza impyiko gukora bishobora gutera urupfu.

Iyi ndwara ishobora kwandura binyuze mu gukora ku muntu uyirwaye, cyane cyane mu kuramukanya abantu bahana ibiganza. Yandura binyuze mu matembabuzi aturuka mu myanya y’ubuhumekero.

Coronavirus yakangaranyije Isi, kuva yaboneka mu Mujyi wa Wuhan mu Bushinwa mu mpera za 2019, abantu 223.931.334 bamaze kuyandura, 4.617.450 yarabahitanye mu gihe 200.343.437 bamaze kuyikira.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .