00:00:00 IGIHE NETWORK KN KINYARWANDA EN ENGLISH FR FRANCAIS

Abantu batanu bishwe na COVID-19, abayanduye mu Rwanda ni 81

Yanditswe na IGIHE
Kuya 4 Ukwakira 2021 saa 11:56
Yasuwe :
0 0

Minisiteri y’Ubuzima yatangaje ko abarwayi batanu bishwe na COVID-19 mu gihe umubare w’abanduye mu Rwanda wiyongereyeho 81 babonetse mu bipimo 7.506 byafashwe mu masaha 24 ashize.

Abitabye Imana ni abagore babiri n’abagabo batatu bo mu bice bitandukanye by’igihugu.

Kuva umurwayi wa mbere w’icyorezo cya COVID-19 giterwa n’agakoko ka Coronavirus abonetse mu Rwanda ku wa 14 Werurwe 2020, hamaze gufatwa ibipimo 2.869.097. Muri ibi bipimo, 84.532 byafashwe mu minsi irindwi byabonetsemo abarwayi 1.069.

Kuri uyu wa Mbere, tariki ya 4 Ukwakira 2021, abarwayi batantu ni bo basezerewe mu bitaro mu gihe abashya babyinjijwemo ari bane.

Itangazo rya Minisante ryerekana ko uyu munsi COVID-19 yahitanye abantu batanu, bituma umubare w’abamaze guhitanwa n’iki cyorezo uba 1.288.

Mu Rwanda hamaze gukingirwa 2.134.072 bahawe dose ya mbere y’urukingo barimo 2.306 b’uyu munsi mu gihe abakingiwe byuzuye ari 1.684.266 barimo 3.905 bafashe dose ya kabiri.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .