Babiri bishwe na Coronavirus, 143 bayanduye mu Rwanda

Yanditswe na Ishimwe Israel
Kuya 8 Mutarama 2021 saa 09:51
Yasuwe :
0 0

Minisiteri y’Ubuzima yatangaje ko abaturage babiri bishwe na COVID-19 mu Rwanda, bituma umubare w’abamaze guhitanwa n’iki cyorezo ugera ku 115.

Minisante yihanganishije imiryango y’abitabye Imana kuri uyu wa Gatanu barimo umugore w’imyaka 85 w’i Nyagatare n’umugabo ufite imyaka 62 wo mu Mujyi wa Kigali.

Kuri uyu wa 8 Mutarama 2021, abantu 143 basanzwemo ubwandu bwa COVID-19 mu bipimo 4846 byafashwe, bituma umubare w’abamaze kwandura uba 9368 mu gihe nta wakize.

Abarwayi bashya bagaragaye muri “Kigali: 101, Huye: 12, Rubavu: 7, Musanze: 7, Rusizi: 4, Kamonyi: 3, Kayonza: 3, Muhanga: 1, Rulindo: 1, Ruhango: 1, Nyanza: 1 Nyagatare: 1, Nyamasheke: 1.”

Mu Rwanda hamaze gufatwa ibipimo bya Coronavirus 760 897, basanzwemo 9368 banduye. Muri bo 6940 basezerewe mu bitaro nyuma yo gupimwa bagasangwa nta bwandu bagifite mu gihe 2313 aribo bakirwaye.

Minisante itangaza ko ijanisha ku mubare w’abapfa bishwe na COVID-19 riri kuri 1.2% mu gihe abandura bangana na 3%.

Abanyarwanda bagirwa inama yo gukomeza kubahiriza amabwiriza yashyizweho, bibuka kwambara agapfukamunwa buri gihe bavuye mu ngo, bakaraba intoki kenshi, birinda amakoraniro n’ibindi bintu byose bishobora guhuriza hamwe abantu benshi.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .