Minisiteri y’Ubuzima yatangaje ko kuri uyu wa 1 Nyakanga 2021 abishwe na COVID-19 barimo abagore bane b’imyaka 86, 81 b’i Rubavu, abafite imyaka 72 na 62 b’i Burera n’abagabo batandatu b’imyaka 89, 65, 56, 51, 46 bo muri Kigali n’ufite imyaka 25 wo mu Karere ka Rulindo.

Abahitanywe na COVID-19 batumye umubare w’abamaze kwicwa n’iki cyorezo kuva cyagera mu Rwanda muri Werurwe 2020 bagera kuri 448.

Ni ku nshuro ya mbere mu Rwanda habonetse umubare munini w’abahitanwe na COVID-19 [10] mu munsi umwe kuko abenshi baherukaga kuboneka ari icyenda, batangajwe ku 21 Mutarama 2021.

Kuri uyu munsi, abarwayi 867 ni bo banduye COVID-19 mu bipimo 9.047 byafashwe. Abarwayi bashya babonetse muri Kigali:208, Kamonyi: 74, Rubavu:73, Gicumbi:66, Musanze:46, Rusizi:46, Burera:46 mu gihe Uturere twa Nyaruguru, Ruhango, Gatsibo na Nyagatare nta bwandu bushya bwahabonetse.

Kuri ubu mu gihugu hose abamaze kwandura COVID-19 ni 39.914 mu bipimo 1.650.629 bimaze gufatwa.

Kuri uyu wa Kane nta murwayi wakize byatumye abakize baguma ku 27.272 mu gihe 12.194 bakirwaye, muri bo 37 bakaba barembye.

Mu gihe ubwiyongere bw’abandura n’abahitanwa na Coronavirus buzamuka, hakajijwe ingamba zo kwirinda ikwirakwira ry’iki cyorezo zirimo ko isaha ntarengwa yo kugera mu rugo ari saa Kumi n’Ebyiri z’umugoroba.

Kuva ibikorwa byo gukingira COVID-19 bitangiye mu Rwanda, abaturage 391.870 bahawe urukingo. Abantu 251.139 ni bo bamaze guhabwa doze ya kabiri y’urukingo rwa AstraZeneca barimo 875 bayihawe uyu munsi.

01.07.2021 Amakuru Mashya | Update

Abantu 251,139 bamaze guhabwa doze ya kabiri y'urukingo rwa #COVID19 (AstraZeneca) barimo 875 bayihawe uyu munsi pic.twitter.com/prcr8XOd8E

— Ministry of Health | Rwanda (@RwandaHealth) July 1, 2021