Minisiteri y’Ubuzima yatangaje ko kuri uyu wa 7 Nyakanga 2021 abishwe na COVID-19 bakuwe mu duce dutandukanye tw’igihugu.

Itangazo rya Minisante rikomeza riti “Twihanganishije imiryango y’abagore barindwi b’imyaka 91 (Ngororero), 73, 58 (Rubavu), 61, 36, 19 (Kigali), 58 (Musanze) n’abagabo icyenda b’imyaka 73, 62, 44 (Rubavu), 71 (Ngororero), 69, 35 (Musanze), 59 (Nyagatare) 52, 47 (Kigali).’’

Abahitanywe na COVID-19 batumye umubare w’abamaze kwicwa n’iki cyorezo kuva cyagera mu Rwanda muri Werurwe 2020 bagera kuri 507.

Ni ku nshuro ya mbere mu Rwanda habonetse umubare munini w’abahitanwe na COVID-19 [16] mu munsi umwe kuko abenshi baherukaga kuboneka ari 12, batangajwe ku wa 6 Nyakanga 2021.

Kuri uyu munsi, abarwayi 760 ni bo banduye COVID-19 mu bipimo 7.846 byafashwe. Abarwayi bashya babonetse muri Kigali: 330, Musanze: 65, Kamonyi: 52, Gicumbi: 38, Rubavu: 37 mu gihe Uturere twa Gisagara, Ruhango, Kirehe na Ngoma nta bwandu bushya bwahabonetse.

Kuri ubu mu gihugu hose abamaze kwandura COVID-19 ni 45.039 mu bipimo 1.691.850 bimaze gufatwa.

Kuri uyu wa Gatatu hakize abarwayi 816 byatumye abakize bagera ku 29.207 mu gihe 15.325 bakirwaye, muri bo 67 bakaba barembye.

Kuva ibikorwa byo gukingira COVID-19 bitangiye mu Rwanda, abaturage 392.003 bahawe urukingo. Abantu 252.008 ni bo bamaze guhabwa doze ya kabiri y’urukingo rwa AstraZeneca barimo 45 bayihawe uyu munsi.

07.07.2021 Amakuru Mashya | Update

Abantu 252,008 bamaze guhabwa doze ya kabiri y'urukingo rwa #COVID19 (AstraZeneca) barimo 45 bayihawe uyu munsi pic.twitter.com/m2wfeo7r7z

— Ministry of Health | Rwanda (@RwandaHealth) July 7, 2021