Coronavirus ku wa 28 Gicurasi: Abanyamerika 1500 bapfuye ku munsi umwe, ibihumbi 104 barandura ku Isi

Yanditswe na Habimana James
Kuya 28 Gicurasi 2020 saa 08:56
Yasuwe :
0 0

Mu gihe hari hashize iminsi abicwa na Coronavirus muri Leta Zunze Ubumwe za Amerika bagabanuka, kuri uyu wa Gatatu abapfa bongeye kwiyongera bagera ku 1 535, mu gihe ku wa Kabiri abanduye bari 774.

Ishami ry’Umuryango w’Abibumbye ryita ku Buzima, OMS, ryagaragaje ku wa Gatatu handuye abantu ibihumbi 104 ku Isi, abandi barenga ibihumbi bitanu barapfa.

Abamaze kwandura muri Leta Zunze Ubumwe za Amerika ni 1 745 803 mu gihe abamaze gupfa ni 102 107.

Ku rwego rw’Isi, OMS yavuze ko abantu 5 792 874 aribo bamaze kwandura naho abandi 357 479 bamaze gupfa.

Kugeza ubu Brésil iri mu bihugu byugarijwe cyane ku Isi kuko kuri uyu wa Gatatu yapfushije abantu 1 148 abandi barenga ibihumbi 22 barandura.

Leta Zunze Ubumwe za Amerika nizo zikomeje kugira abanduye benshi inaza imbere mu kugira abamaze gupfa benshi ku Isi. Brésil iri ku mwanya wa kabiri mu banduye kuko ari ibihumbi 414 66, mu gihe hamaze gupfa ibihumbi 25 697.

U Burusiya buza ku mwanya wa gatatu kuko bufite abanduye ibihumbi 370 680, hamaze gupfa abarenga 3 968, muri Espagne handuye ibihumbi 283 849 hamaze gupfa ibihumbi 27 118, naho mu Bwongereza handuye ibihumbi 267 240, hamaze gupfa ibihumbi 37 460.

Ku mugabane wa Afurika wose hamaze kugaragara abantu ibihumbi 126 838 banduye Coronavirus, abamaze gupfa basaga 3 721 naho abakize ni ibihumbi 52 784.

Afurika y’Epfo iri imbere mu kugira abafite ubwandu benshi kuko ari ibihumbi 25 937, abamaze gupfa ni 552, ikurikirwa na Misiri ubu ifite abamaze gupfa benshi kuri uyu mugabane, kuko bageze kuri 816 naho abamaze kwandura ni 19 666.

Muri Afurika y’Iburasirazuba, kugeza ubu igihugu kiza imbere mu bwandu ni Kenya kuko hamaze kwandura abantu 1,471, hapfuye 55.

U Rwanda rufite abanduye 346, abamaze gukira ni 245, muri Uganda ubu hari abanduye 281, mu Burundi handuye abantu 42 hapfa umwe naho muri Sudani y’Epfo hamaze kwandura abantu 994, hamaze gupfa 10.

Mu bihugu bihana imbibi n’u Rwanda Repubulika Iharanira Demokarasi ya Congo niyo yibasiwe cyane, kuko ifite abanduye 2 546 barimo 68 bamaze gupfa.

Coronavirus ikomeje guhitana ubuzima bw'abantu benshi hirya no hino ku Isi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .