Ni imibare iteye inkeke ndetse ishobora gukomeza kwiyongera mu minsi iri imbere, dore ko habarurwa ko muri iki gihugu honyine, hashobora gupfa abari hagati y’ibihumbi 100 na 240.

Icya kabiri cya miliyoni nibo baturage bamaze kwandura muri Amerika kuko ubu bageze ku 529951; mu gihe u Butaliyani bwari bwarazahajwe cyane n’iki cyorezo mu minsi ishize bufite abantu 152271 banduye mu gihe abapfuye bo ari 19468.

Muri Espagne hamaze kwandura 163027, abapfuye bo ni 16606 naho u Bufaransa abamaze kwandura ni 130730 naho 13851 bo bakaba bamaze gupfa.

U Budage ni kimwe mu bihugu bifite abantu benshi banduye kuko ari 125452 ariko abamaze gupfa ni bake ugereranyije n’ibindi kuko ho ari 2871.

Mu Bwongereza abamaze kwandura ni 79885 mu gihe abapfuye ari 9892. Afurika y’Epfo hamaze kwandura abantu 2028 mu gihe 25 bamaze gupfa.

Mu Misiri hamaze kwandura abantu 1939, mu gihe 146 aribo bamaze gupfa. Algeria ifite abantu 1825 banduye na 275 bamaze gupfa ari nabo benshi muri Afurika.

Mu Rwanda abanduye ni 120, mu gihe abamaze gukira ari 18 mu gihe muri Kenya ari 191 naho abapfuye bakaba barindwi. Uganda ifite abantu 53 banduye, Tanzania 32 n’abantu batatu bamaze gupfa.

Muri rusange ku Isi hose, abantu bamaze kwandura iki cyorezo ni 1777666, abamaze gupfa ni 108867 mu gihe abamaze gukira ari 404372.

Leta Zunze Ubumwe za Amerika ni cyo gihugu cyugarijwe na Coronavirus muri iki gihe kurusha ibindi