Itangazo rya Minisante ryo ku Cyumweru, tariki ya 17 Ukwakira 2021 rivuga ko abanduye COVID-19 ari 17 mu bipimo 11.904 byafashwe mu masaha 24 ashize.

Ubwandu bushya buri kugenda bugabanuka ugereranyije no mu minsi yashize ndetse ubu bugeze ku ijanisha rya 0.1%.

Raporo ngarukamunsi ya Minisante yerekanye ko kuba nta murwayi wahitanywe na COVID-19 byatumye umubare w’abamaze kwicwa n’iki cyorezo uguma ku 1.313. Umwe ni we winjijwe mu bitaro mu gihe nta wasezerewe nyuma yo gukira.

Igabanuka ry’abandura COVID-19 n’abahitanwa nayo rifitanye isano no kuba umubare munini w’abenegihugu ugenda ukingirwa ibituma abandura baba bake ndetse n’abarwaye ntibarembe cyane ku buryo byabaviramo urupfu.

Kugeza ubu mu Rwanda hamaze gukingirwa mu buryo bwuzuye [ni ukuvuga abahawe dose zombi, barimo 324 bafashe dose ya kabiri uyu munsi] abantu 1.725.362 kuva ibi bikorwa byatangira ku wa 5 Werurwe 2021. Abantu 3.033.940 ni bo bamaze guhabwa dose imwe y’urukingo barimo na 68.557 bayifashe uyu munsi.

Ibimenyetso bya COVID-19 birimo inkorora, ibicurane, guhumeka bigoranye n’umuriro. Yandura binyuze mu matembabuzi aturuka mu myanya y’ubuhumekero.

17.10.2021 Amakuru mashya | Update | Mise à jour pic.twitter.com/LQ9uvD1cea

— Ministry of Health | Rwanda (@RwandaHealth) October 17, 2021