Nta wishwe na COVID-19 mu Rwanda, 39 ni bo bayanduye

00:00:00 IGIHE NETWORK

KINYARWANDA

ENGLISH

FRANCAIS

Nta wishwe na COVID-19 mu Rwanda, 39 ni bo bayanduye

Yanditswe na IGIHE

Kuya 20 October 2021 saa 11:25

Yasuwe :

Yavuzweho:

Minisiteri y’Ubuzima yatangaje ko abantu 39 banduye COVID-19 mu Rwanda mu gihe mu gihe nta we yahitanye mu masaha 24 yashize.

Itangazo rya Minisante ryo kuri uyu wa Gatatu, tariki 20 Ukwakira 2021, rigaragaza ko abarwayi bashya 39 babonetse mu bipimo 5.971 byafashwe uyu munsi.

Kuri ubu mu Rwanda hari abarwayi batatu barembye bari kwitabwaho; nta wasezerewe mu masaha yashize.

Kubera ingamba zafashwe mu guhangana na COVID-19, byatumye mu Rwanda kuri uyu munsi nta murwayi wahitanywe n’iki cyorezo bituma umubare w’abishwe nacyo uguma ku 1.314.

Ni ingamba zijyanye no gukomeza kwirinda ndetse no kuba umubare w’abaturarwanda bari mu byago byo kwandura waramaze guhabwa urukingo.

Kugeza ubu mu Rwanda hamaze gukingirwa mu buryo bwuzuye [ni ukuvuga abahawe dose zombi, barimo 4.990 bafashe dose ya kabiri uyu munsi] abantu 1.744.937 kuva ibi bikorwa byatangira ku wa 5 Werurwe 2021. Abantu 3.434.690 ni bo bamaze guhabwa dose imwe y’urukingo barimo na 106.457 bayifashe uyu munsi.

Ibimenyetso bya Coronavirus birimo inkorora, ibicurane, guhumeka bigoranye n’umuriro. Yandura binyuze mu matembabuzi aturuka mu myanya y’ubuhumekero.
Abaturarwanda basabwa gukomeza kubahiriza amabwiriza ya Leta hitabwa cyane cyane ku gukaraba intoki kenshi n’amazi n’isabune, guhana intera ya metero, kwambara udupfukamunwa n’amazuru mu gihe umuntu avuye mu rugo cyangwa agiye ahari abantu benshi.