00:00:00 IGIHE NETWORK KN KINYARWANDA EN ENGLISH FR FRANCAIS

Umuntu umwe yahitanywe na COVID-19, abakingiwe ni 34.226

Yanditswe na Dufitumukiza Salathiel
Kuya 31 Gicurasi 2021 saa 10:47
Yasuwe :
0 0

Minisiteri y’Ubuzima yatangaje ko umugore w’imyaka 77 w’i Huye yitabye Imana azize Coronavirus kuri uyu wa 31 Gicurasi 2021, bituma abamaze kwicwa nayo mu Rwanda bagera kuri 353.

Mu masaha 24 ashize habonetse abarwayi bashya 45 barimo 21 b’i Kigali, batandatu b’i Kirehe, batanu b’i Rubavu, bane b’i Rusizi, babiri b’i Huye, umwe w’i Gisagara, umwe w’i Muhanga, umwe w’i Kamonyi, umwe w’i Nyamagabe, umwe w’i Ngororero, umwe wo mu Gakenke n’undi w’i Burera.

Abamaze kwandura bahise baba 26.963, naho 74 bakize icyo cyorezo bongera umubare w’abamaze kuyikira baba 25.683.

Minisiteri y’Ubuzima kandi yavuze ko uyu munsi abantu 34.226 bahawe dose ya kabiri y’urukingo bituma abamaze gukingirwa byuzuye bagera ku 167.686.

Abaturarwanda barakangurirwa gukomeza kubahiriza amabwiriza y’inzego z’ubuzima. Abaturage bose bibukijwe ko ari ngombwa kubahiriza amabwiriza yo kwirinda COVID-19 harimo gusiga intera hagati y’umuntu n’undi, kwambara agapfukamunwa no gukaraba intoki n’amazi meza n’isabune cyangwa hand sanitizer.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .