Umuntu wa 46 yishwe na Coronavirus mu Rwanda

Yanditswe na Ishimwe Israel
Kuya 17 Ugushyingo 2020 saa 10:07
Yasuwe :
0 0

Minisiteri y’Ubuzima yatangaje ko umuntu wa 46 yishwe na Coronavirus mu Rwanda mu gihe umubare mushya w’abanduye ari 16 mu bipimo 3051 byafashwe mu masaha 24 yashize.

Kuva icyorezo cya COVID-19 giterwa na Coronavirus kigaragaye mu Rwanda, abantu 46 ni bo bamaze kwitaba Imana, aba barimo n’umugabo w’imyaka 78 wahitanywe nacyo kuri uyu wa Kabiri gusa ntihatangajwe imyirondoro ye.

Itangazo rya Minisante kandi ryerekana ko kuri uyu wa 17 Ugushyingo 2020, habonetse abarwayi bashya 16 mu gihe bane ari bo bakize.

Abarwayi bashya bagaragaye muri Kigali:3, Kirehe:2, Muhanga:1, Nyagatare:3, Rubavu:4, Rusizi:2 na Rwamagana:1.

Mu Rwanda hamaze gufatwa ibipimo bya Coronavirus 591 585, hasanzwemo abantu 5507 banduye. Muri bo 5008 basezerewe mu bitaro nyuma yo gupimwa bagasangwa nta bwandu bagifite mu gihe 453 bakiri kwitabwaho.

Coronavirus ni indwara itarabonerwa umuti cyangwa urukingo ndetse mu kwita ku wayanduye havurwa ibimenyetso byayo birimo inkorora, ibicurane, guhumeka bigoranye n’umuriro. Yandura binyuze mu matembabuzi aturuka mu myanya y’ubuhumekero.

Mu gukomeza kwirinda ikwirakwira rya Coronavirus, abaturarwanda basabwa gukomeza kwitwararika no kubahiriza amabwiriza ya Leta hitabwa cyane cyane ku gukaraba intoki kenshi n’amazi n’isabune, kwirinda imihuro itari ngombwa no kwambara udupfukamunwa n’amazuru mu gihe umuntu avuye mu rugo cyangwa ahuye n’abantu benshi.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .