Igihingwa cy’ibihumyo gifite akamaro ku buzima, kuko gifasha umuntu kubona neza, kigaha n’umubiri intungamubiri zitandukanye za poroteyine, vitamini, n’ imyunyungugu.

Urubuga e- sante rutangaza ko amagarama 100 y’ibihumyo ku munsi aba afite intungamubiri zihagije zirimo vitamini B1, B2 na B3, z’ ingenzi ku mikorere y’ ubwonko no ku ruhu.

Ibihumyo kandi bifite akarusho ko kurinda umuntu gusaza no kurinda uruhu gukanyarara, kikanarinda indwrara z’umutima na kanseri zikunze kwibasira urwungano ngogozi.

Urubuga e-sante ruvuga ko mu gihe umuntu asarura ibihumyo agomba gukaraba neza akanabisarurira mu bikoresho bitunganye neza, mu rwego rwo kwirinda umwanda ushobora gutera indwara kuko mu gihe ibihumyo birimo umwanda bigira ingaruka zikomeye ku rwungano ngogozi, urwungano rw’inkari bikanangiza umwijima.

Ikigo cy’ubushakashatsi mu buzima gitanga inama z’uko iki gihingwa kitaterwa hafi y’ingararane, ibimoteri n’inzira nyabagendwa.