Umugabo wari urwaye kanseri yo mu maraso yo mu bwoko bwa leukaemia yavuwe hakoreshwe agakoko gatera SIDA arakira i Philadelphia muri Leta Zunze Ubumwe za Amerika, USA.

Marshall Jensen yafashwe na kanseri ya leukaemia nyuma y’igihe gito cyane amaze gushinga urugo mu mwaka wa 2012.

Nyuma y’imyaka ibiri nibwo yabashije kumenya ko hari ubushakashatsi budasanzwe bukoreshwa mu kuvura kanseri ndetse n’izindi ndwara zidakira hakoreshwe guterwa agakoko gatera SIDA ahitwa i Philadelphia.

Marshall Jensen wavuwe kanseri

Ubwo buryo bwavumbuwe nyuma y’imyaka 20 umushakashatsi Dr Carl June ndetse n’itsinda rye bashakisha icyabasha kuvura kanseri zo mu maraso.

Umushakashatsi Carl avuga ko nubwo agakoko ka Sida gakoreshwa mu kuvura Kanseri kaba kaciwe intege bidatuma umurwayi atagumana ubwandu bwako.

Ati” aba ari agakoko gatera Sida kaciwe intege gusa mu mubiri ntibituma katazana utunyangingo (cellules) dushya mu mubiri “

Akomeza avuga ko ubwo buvuzi bukorwa bafata miliyari nyinshi z’utunyangingo twitwa T tw’umurwayi ufite kanseri bakatuvanga na ADN y’utunyangingo twa virusi itera SIDA tugahabwa gahunda yo kumenya no kwica kanseri iri mu mu maraso y’umuntu.

Carl n’itsinda rye bamaze kubona ko kamwe mu tunyangingo twahinduwe gashobora kwica utunyangingo 1000 dutera kanseri y’ibibyimba byo mu bwonko.

Ku ya 11 uyu murwayi yari yakize burundu yanasubiye iwe.

Mu bantu 30 bavuriwe kwa Dr Carl hakoreshejwe agakoko ka Virusi itera SIDA, 23 baracyariho kandi 19 muri bo bakize burundu .

Carl azatangira kuvura n’abarwaye kanseri y’urwagashya mu mpeshyi y’umwaka wa 2015

[email protected]