00:00:00 IGIHE NETWORK KN KINYARWANDA EN ENGLISH FR FRANCAIS

Inganzo ngari yashimishije ab’i Lagos karahava

Yanditswe na

Fiacre Igihozo

Kuya 13 May 2012 saa 05:27
Yasuwe :

Ubwo itorero inganzo ngari ryataramiraga abanyanigeria ndetse n’abanyarwanda baba abari bavuye mu Rwanda ndetse n’abasanzwe baba muri Nigeria ku mugoroba w’ejo hashize kuwa Gatandatu muri EKO Hotel y’i Lagos, bashimishije abantu karahava, nk’uko Gilles Nshimiyimana umwe mu bagize iri torero abitangaza.
Ni mu rwego rwo kumenyekanisha u Rwanda muri Nigeria no gusabanisha abanyarwanda n’abanyanigeria, mu gikorwa cyiswe, “Summit Economy Nigeria Rwanda”, cyateguwe na limitless Africa and Nigeria (...)

Ubwo itorero inganzo ngari ryataramiraga abanyanigeria ndetse n’abanyarwanda baba abari bavuye mu Rwanda ndetse n’abasanzwe baba muri Nigeria ku mugoroba w’ejo hashize kuwa Gatandatu muri EKO Hotel y’i Lagos, bashimishije abantu karahava, nk’uko Gilles Nshimiyimana umwe mu bagize iri torero abitangaza.

Ni mu rwego rwo kumenyekanisha u Rwanda muri Nigeria no gusabanisha abanyarwanda n’abanyanigeria, mu gikorwa cyiswe, “Summit Economy Nigeria Rwanda”, cyateguwe na limitless Africa and Nigeria Economic summit Group, kigashyigikirwa na RDB, RwandaAir ndetse n’ikinyobwa cya Heineken.

Muri iki gitaramo cyari cyitabiriwe n’abanyarwanda benshi baba mu gihugu cya Nigeria, abakozi bose ba Ambasade y’u Rwanda muri Nigeria, abacuruzi b’abanyarwanda, ndetse n’abari bajyanye na Delegation y’u Rwanda yose bayobowe na John Gara, Umuyobozi wa RDB, inganzo ngari ikaba yashimishije cyane abari aho bose.

Nk’uko Gilles Nshimiyimana, umwe mu bagize itorero inganzo ngari abitangaza, ngo agashya kahabonetse ni uko ubwo umuhanzi rurangiranwa wo mu gihugu cya Nigeria, ariwe Idibia Emmanuel, uzwi nka “2Face” yajyaga kuririmba, yasabye itorero inganzo ngari ko ryamwemerera abakobwa baryo bakajya ku rubyiniro ubwo yaririmbaga indirimbo ye yamamaye cyane “African queen”, bakenyeye Kinyarwanda.

Ibi ngo bikaba byaratunguranye cyane, ariko kandi birushaho no gushimisha abantu benshi.

Ku munsi w’ejo ku i saa yine za mu gitondo, nibwo itorero inganzo ngari ryahagurutse i Kigali ryerekeza i Lagos, muri Nigeria aho ryashyitse saa saba n’igice, rikaba ryarakiriwe na Ambasaderi w’u Rwanda muri Nigeria, Joseph Habineza.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .