00:00:00 IGIHE NETWORK KN KINYARWANDA EN ENGLISH FR FRANCAIS

Itorero ry’igihugu “Urukerereza” ryagarutse

Yanditswe na

Vénuste Kamanzi

Kuya 10 November 2012 saa 03:52
Yasuwe :

Hari hashize igihe kirekire itorero ry’igihugu urukerereza risa n’iritabaho, hari kwigaragaza amatorero atandukanye y’abantu ku giti cyabo, ariko kuri ubu ryongeye kugarukana n’abanyamuryango 250 batoranyijwe mu gihugu hose.
Mu kiganiro yagiranye na IGIHE kuri Telefone, Makuza Laurent ushinzwe guteza imbere umuco muri Minisiteri y’umuco na Siporo(MINISPOC) yadutangarije ko mu minsi yashize Minisiteri yateguye amarushanwa yari agamije kureba abahanga mu muco, by’umwihariko mu kubyina, (...)

Hari hashize igihe kirekire itorero ry’igihugu urukerereza risa n’iritabaho, hari kwigaragaza amatorero atandukanye y’abantu ku giti cyabo, ariko kuri ubu ryongeye kugarukana n’abanyamuryango 250 batoranyijwe mu gihugu hose.

Mu kiganiro yagiranye na IGIHE kuri Telefone, Makuza Laurent ushinzwe guteza imbere umuco muri Minisiteri y’umuco na Siporo(MINISPOC) yadutangarije ko mu minsi yashize Minisiteri yateguye amarushanwa yari agamije kureba abahanga mu muco, by’umwihariko mu kubyina, guhamiriza n’indi mirimo igenewe itorero ry’igihugu ryo kubyina, hatorwa ababyutsa Urukerereza.

Mu majonjora yakozwe, hatoranyijwe abagabo n’abagore, inkumi n’abasore 250. Abatoranyijwe Makuza tangaza ko bazahurizwa hamwe bagatozwa.

Hatoranywa abazajya mu Rukerereza mu karere ka Kayonza

Ati “mu mpera z’uyu mwaka hari igikorwa cyo kubatumiza tukabakusanyiriza hamwe mu gihe nibura cy’ibyumweru bibiri bigishwa byinshi bitandukanye. Turabizi ko bazi kubyina ariko tuzabahuza n’abandi babizobereyemo.”

Itorero ry’igihugu Urukerereza rizaba riri mu maboko ya MINISPOC, ibe ari yp ikurikirana imikorere yaryo ya buri munsi, nk’uko kuva na kera byagendaga.

Itorero “Urukerereza” ryatangiye mu myaka ya za 70 ari itorero ryigenga, rikomeza gutera imbere rinahagararira igihugu neza mu myaka ya za 80, ubwo Leta yaje gutangira kujya iritera inkunga ifatika, bityo ritangira kujya rihagararira igihugu no gususurutsa imihango n’iminsi mikuru bitandukanye bya Leta.

Mu mwaka w’1994 muri Jenoside yakorewe Abatutsi benshi mu bari barigize barishwe bituma ricika intege.
Kuri ubu Urukerereza rugiye kugaruka nk’itorero ry’igihugu rishinzwe na Minisiteri y’umuco na siporo inifuza ko noneho rwagira imbaraga.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .