IGIHE.com > Amakuru > U Rwanda
Uko Ibuka yakiriye kugirwa abere  ku byaha bya Jenoside kwa Mugenzi na Mugiraneza

Uko Ibuka yakiriye kugirwa abere ku byaha bya Jenoside kwa Mugenzi na Mugiraneza


Yanditswe kuya 4-02-2013 - Saa 12:03' na Emile Nsabimana

Ubuyobozi bw’Umuryango uharanira inyungu z’abacitse ku icumu rya Jenoside yakorewe Abatusi muri Mata 1994 Ibuka, buravuga ko butashimishijwe n’icyemezo cy’Urukiko Mpuzamahanga Mpanabyaha rwashyiriweho u Rwanda (ICTR) cyo kugira abere abagabo babiri bahoze ari abaminisitiri mu Rwanda muri ‘Leta y’Abatabazi’ bari bakurikiranyweho ibyaha bya Jenoside yakorewe abatutsi muri Mata 1994.

Ni nyuma y’uko ICTR mu rugereko rw’ubujurire kuri uyu wa mbere tariki ya kane Gashyantare 2013 rwagize abere Mugenzi Justin wari Minisitiri w’Ubucuruzi na Mugiraneza Prosper wari Minisitiri w’Imirimo ya Leta mu gihe cya Jenoside yakorewe abatutsi, bakaba bari barakatiwe igifungo cy’imyaka 30 mu rugereko rw’ibanze.

Mu kiganiro na IGIHE, Ahishakiye Naphtal, Umunyamabanga Nshingwabikorwa wa Ibuka, ati "Ntabwo twabyakira neza kumva abantu nka bariya bagize uruhare rukomeye mu gutegura no gushyira mu bikorwa Jenoside babaye abere." Yakomeje avuga avuga ko bitoroshye ko hari icyakorwa na Ibuka kuri iki cyemezo.

Umunyamakuru w’Ibiro Ntaramakuru by’Abafaransa AFP avuga ko icyemezo cyo kugira abere Mugenzi na Mugiraneza cyafashwe kuri uyu wa mbere, mu rubanza rw’ubujurire bari bajuririyemo igifungo cy’imyaka 30 bari barahawe bavuga ko ari abere.

Ku ya 30 Nzeri 2011 aba bagabo bari bahamijwe ibyaha by’"ubwumvikane mu gukora Jenoside, no gushishikariza abantu gukora Jenoside mu buryo butaziguye".

Urugereko rw’ubujurire mu nteko yari iyobowe n’umucamanza w’Umunyamerika Theodor Meron, ku ya kane Gashyantare 2013 rwabahanaguyeho ibi byaha ruhita rutegeka ko barekurwa bidatinze bakava muri gereza.

Kanda hano usome inkuru ku byaha baregwaga

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO