APR FC yashyikirijwe igikombe naho Police FC ishimangira umwanya wa 2

Yanditswe na
Kuya 19 Gicurasi 2012 saa 10:07
Yasuwe :
0 0

Kuwa gatanu tariki ya 18 Gicurasi, ikipe ya APR FC yashyikirijwe igikombe cya shampiyona nyuma y’umukino w’ikirarane wahuje ikipe ya Police n’Isonga FC kuri Sitade ya Kigali.
Ikipe ya APR FC yegukanye igikombe ifite amanota 52, mu gihe Police FC yatsinze Isonga FC 3-0 ikagira amanota 50 maze ikarangiza shampiyona iri ku umwanya wa kabiri.
Ku mukino wahuje Police n’Isonga, umusore Laudit Mavugo yatsindiye Police ibitego bibiri hanyuma Hapfizi Hakizimana aza gutsinda icya gatatu igice cya mbere (...)

Kuwa gatanu tariki ya 18 Gicurasi, ikipe ya APR FC yashyikirijwe igikombe cya shampiyona nyuma y’umukino w’ikirarane wahuje ikipe ya Police n’Isonga FC kuri Sitade ya Kigali.

Ikipe ya APR FC yegukanye igikombe ifite amanota 52, mu gihe Police FC yatsinze Isonga FC 3-0 ikagira amanota 50 maze ikarangiza shampiyona iri ku umwanya wa kabiri.

Ku mukino wahuje Police n’Isonga, umusore Laudit Mavugo yatsindiye Police ibitego bibiri hanyuma Hapfizi Hakizimana aza gutsinda icya gatatu igice cya mbere kiri hafi kurangira.

Shampiyona y’uyu mwaka yashoje ku wa 15 Gicurasi 2012 aho Ikipe ya Police yatsindwaga na Mukura igitego 1-0 kuri sitade ya Kicukiro. Ikipe ya APR imaze gutwara igikombe cya shampiyona inshuro 13 kuva mu mwaka w’i 1995.

Nyuma y’uyu mukino kandi nibwo abayobozi ba FERWAFA bashyikirije APR FC igikombe yegukanye ku nshuro ya 13 mu mateka yayo. Nyuma yo kwakira iki gikombe Afande Kagame Alexis uyobora ikipe ya APR atangaza ko atari ukugitoragura nk’uko bivugwa n’abafana b’andi makipe, ati: “Shampiyona yarahindutse cyane, kugeza mu minsi ya nyuma ntawurizera igikombe twaragikoreye, tugihawe tugikwiye.”

Hagaragaye kandi umutoza Ernest ateruwe, asimbizwa mu kirere n’abafana bishimira iki gikombe.

Urutonde rw’abatsinze ibitego byinshi:

1. Karekezi Olivier APR FC 14

2. Kagere Meddie Police FC 12

3. Ruhinda Farouk Saifi Isonga FC 11

4. Ochaya Silver Etincelles FC 10

5. Sina Jerome Rayon Sports 10


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza