Urukiko Rwisumbuye rwa Bujumbura rwategetse ko Umuyobozi wa Radiyo RPA, Bob Rugurika, aguma muri gereza kuri uyu wa Gatatu, tariki ya 4 Gashyantare 2014.

Urukiko rwategetse ko uyu Bob Rugurika akomeza kuba afunze, ariko Abamwunganira bamaganye icyo cyemezo nk’uko RFI ibitangaza.

Bob Rugurika ajyanywe gufungwa

Uretse abunganira Rugurika n’Imiryango yigenga irahamagarira abantu kuba inyuma y’uyu Muyobozi wa RPA.

Bob Rugurika yatawe muri yombi kuwa 20 Mutarama 2015, akaba akurikiranyweho ibyaha guhishira umwicanyi, kumena amabanga y’urubanza rukiri mu iperereza no kudafasha ubutabera.

Ibi akaba abishinjwa nyuma y’ubwicanyi bwakorewe Ababikira b’Abataliyanikazi Olga Raschietti w’imyaka 83, Bernadette Boggia w’imyaka 79 na Lucia Pulici w’imyaka 75 biciwe mu Kamenge.

Bob Rugurika avuga ko aburana nk'umuyobozi w'igitangazamakuru, Ubushinjacyaha bukavuga ko bumushinja nk'umunyamakuru usanzwe

Bob Rugurika afungiye muri gereza ya Muramvya i Bujumbura, ari na ho habereye urubanza.

Indi nkuru wasoma: Burundi: Umuyobozi wa Radiyo yatawe muri yombi azira urupfu rw’ababikira 3 http://www.igihe.com/amakuru/mu-mahanga/article/burundi-umuyobozi-wa-radiyo-yatawe

[email protected]