Nyuma yo kuburanisha urubanza ku ifunga n’ifungurwa ry’agateganyo rya Ngendahayo Faustin na Materne Ndayisenga bakurikiranyweho icyaha cyo gutanga ruswa ya miliyoni eshanu no gukoresha inyandiko mpimbano, Urukiko rwisumbuye rwa Nyarugenge rwaburanishije urubanza rwanzura ko bafungwa by’agateganyo, bagakurikiranwa bari hanze.

Ubwo urubanza rwasomwaga abaregwa ntibari bahari, mu gihe mu isomwa ryarwo bari bahari n’ababunganira.

Mu iburanisha ubushinjacyaha bwari bwabasabiye gufungwa iminsi 30 y’agateganyo ngo batabona uko bazimangatanya ibimenyetso cyangwa bagahunga ubutabera.

Uruhande rw’abaregwa aribo Rwiyemezamirimo Materne Ndayisenga na Faustin Ngendahayo rwo rwari rwasabye ko barekurwa bakaburana bari hanze, kuko ngo bafite aho babarizwa hazwi, bakaba bafite imishinga ikomeye badashobora guta, kandi bakaba baremerewe inguzanyo ya miliyoni igihumbi z’amafaranga bazahabwa na EQUITY ngo barangize ibikorwa byabo, bityo bakaba batabivamo.

Nubwo baregwaga ruswa ya miliyoni eshanu ndetse ubushinjacyaha bukemeza ko bafatiwe mu cyuho, umucamanza yaseguriye impamvu zinyuranye zatuma badakurikiranwa bafunze, bityo Urukiko rufata umwanzuro wo kubarekura bombi, bakaburana bari hanze.

Materne na Fuastin bakurikiranyweho ruswa bikekwa ko batanze ngo bahabwe ubutaka butari ubwabo, mu bikorwa byo kubaka igorofa izamurwa kuri Nyabugogo, ku gahanda k’ahitwa Marathon.

Inkuru bifitanye isano:

– Babiri mu maboko ya Polisi bakekwaho gutanga ruswa ya Miliyoni 5

– Ngendahayo na Ndayisenga baregwa ruswa ya miliyoni 5 bashyikirijwe Urukiko